كان صوت تاجر المخد$رات، وهو بيقول بصوته اللي عمري ما هنساه:
-أنت فاكر دخول الحمام زي خروجه يا روح أمك؟ لازم تعرف إن خروجك من وسطنا يعني خروجك من على وش الدنيا، إحنا سِرِّنا معاك.
-بَس أنا عاوز أتوب، توبة نصوحة.
-نصوحة دي تبقى خالتك، أنت مُش كلمتني مرة في الموضوع ده وحذَّرتك؟ أنت إيه حكايتك؟
-أنا هتوب وهبطَّل الكار ده، وأوعدك وعد شرف إني مش هفتح بوقي بكلمة.
-هأّو! شَرف؟ هو اللي بيشتغل في الكار ده يعرف الشرف؟ وبعدين أنت هتقلِب دماغي ليه؟ بقى أنا كل عملية أخطط لها تخطيط من نار، عشان مفيش حد يمسك علينا حاجة، وأنت جاي عايز تخرج من وسطنا عشان تكشفنا؟ فاكرها سايبة؟! وبعدين بتكلمني والكلب معاك، فاكر نفسك هتخوفنا؟
-طيب هسيب البلد خالص، هروح بلد تانية.
-لا تانية ولا تالتة.
لمتابعة القراءة اضغط على الرقم التالي في الصفحة التالية
