لما كلِّفت مُخبر بالمُهمة دي؛ اخترت واحد النملة مش بتعرف تعدِّي بدون علمه، لكن اتفاجئت إنه بيبلَّغ عن الج$ثة زيُّه زي أي حد اتفاجئ بوجودها، ده اللي عرفته منه لما وصلت مسرح الجر$يمة، ولقيت الشوال بالج$ثة في نفس المكان، والتحقيقات بعد ما أخدت مجراها، وصَّلتنا لنفس الطريق المسدود،
الق$اتل مش سايب أثر، لا بصمات ولا أي حاجة تخصه، ولا حتى شوية جِلد تحت ضوافر الضحية وهي بتقاومه، الحكاية بقت معقَّدة أوي، خصوصًا بعد ما الطب الشرعي كتب في تقريره للمرَّة التانية؛ إنه عثر على مخلب ديب أو كلب في جسم الض$حية، وبرضو كان مغروز في الصدر فوق القلب!
بعد التحريات، ولما وصلنا لأهل القت$يل، عرفنا إنه اختفى لمدة يوم قبل ما نلاقي جثت$ه، وعرفنا من أهله إنه بيشتغل غفير، وإنه في الفترة الأخيرة، محدش منهم كان يعرف عن شغله حاجة، ومكنش بيجاوب حد لو سأله عن شغله، وإنه المفروض بيرجع البيت الساعة ١٢ صباحًا، لكن في الليلة دي اتأخر، ودي كانت الليلة اللي المخبر لقى جث$ته فيها قبل الفَجر.
لمتابعة القراءة اضغط على الرقم التالي في الصفحة التالية
