سلِّمت لزميلي الملف، وشرحت له كل ملابسات القضية عشان يكمِّل، وبعدها طلعت الاستراحة من تاني، كنت حاسس إني اتخلصت من عبء كبير على قلبي، تقريبًا اللي كنت بشوفه في الضلمة ده، كان من الضغوط اللي بواجهها لأول مرة، وهي إني أكون عاجز عن الوصول لمُجر$م، حياة الناس بالنسباله ملهاش قيمة، وبمجرد ما فتحت الباب، لقيت إني كنت ناسي النور مفتوح، لكن عيني جت على السقف، اللي كان فيه حَبل الم$شنقة متعلَّق وبيتهز وهو فاضي!
دخلت وأنا مذهول، وقفت تحت الحبل ورفعت راسي لفوق، كان بيني وبينه يادوب شِبر، مُش عارف إيه اللي خلاني ألِف حوالين نفسي وأنا عيني عليه، هو كمان كان بيدور، لكن عكس اتجاهي، ومع الوقت، سمعت صوت الرجلين وهي بتجري على البلاط، وبتخربِش فيه.
لما قرَّبت أفقِد الوعي، وقَفت وبطَّلت ألِف حوالين نفسي، بدأت أبُص في الأرض، في المكان اللي شُفت فيه خربَشة قبل كِدَه، العلامة كانت عبارة عن ٣ ضوافر، أو ٣ مخالب، أو آلة حاد$ة لها ٣ أطراف هي اللي عملت كده، أصل مستحيل ضوافر بني آدم تقدر تعلِّم العلامة دي.
لمتابعة القراءة اضغط على الرقم التالي في الصفحة التالية
