في نفس الوقت يتواصل الصاغ حسن مع المجموعة الي بتراقب ريان والي أكدت ان ريان لسه موجود في مكانه متحركش!..
عشان يتوجه فوراً الصاغ حسن هو و مجموعة من رجال المباحث لي ڤيلا البنا ، وعند وصولهم لقوا ان كل الابواب مقفوله بالمفاتيح ، مكنش قدامهم اي حل غير تكسير الأبواب عشان بالفعل يقتحموا الفيلا ويدخلوا غرفة نوم البنا ويشوفوا جسمه وهو مقسوم نصفين بالطول! وعلي جبهته النجمة السداسية
تدب حالة الفزع في نفوس الجميع ويتم تفتيش الفيلا بالكامل ، الي بالمناسبة في الوقت دا أولاده ومراته كانوا في رحلة تسوق في باريس وهو كان لوحده ، لكن تأتي الرياح بما لا تشتهي السفن، مفيش وجود لأي حد في الفيلا ، بل كمان البصمات اما اترفعت مكنش فيه وجود لأي بصمات تخص الريان .. البصمات كلها علي أوكر الابواب كانت خاصة بالبنا ودا في حد ذاته بيثبت ان اخر شخص دخل الڤيلا هو البنا !!!
تبدأ مرحلة جديدة من الاستغراب و عدم تصديق للي بيحصل و يبدأ يتوجه تفكير عقول الظباط الي شغاله علي القضية إن الي بيحصل دا خارج حدود المنطق ، وان فيه حاجه خارقة للطبيعة ليها دخل بالموضوع..
عشان بعدها ميكونش قدامهم أي حل غير أنهم يقبضوا علي ريان وتوجيه ليه اتهام رسمي بكل الجرا@يم علي أمل انه يقدر يوصلهم لحاجة ..
وبالفعل بعد القبض علي ريان وتوجيه ليه التهمة ، وبعد الضغوط عليه ومواجته بكل نتايج التحريات يعترف ريان بحاجة اشبه بالخيال ..
لمتابعة القراءة اضغط على الرقم التالي في الصفحة التالية 🌹
