أنا استفزيت القرين بتاعي

وكيل النيابة

“يتم تحويل المتهمة إلى مستشفى الأمراض النفسية والعصبية للكشف على قواها العقلية، هذا لأنها تتدعي أن مقتل زوجها له علاقة بأمور عجيبة مثل الجن والعفاريت”
أحمد محمود شرقاوي
……………..
” هو ده كل اللي حصل”
انتهت المريضة من حكي الحكاية للدكتورة اللي خلصت ملفها وطلبت من الممرضة ترجعها للعنبر بتاعها، في الوقت ده بصت الدكتورة لزميلتها وقالت:

– انتي مصدقة الكلام اللي هي بتقوله ده
– المس موجود وشوفناه في حياتنا كتير، وممكن فعلا تكون ممسوسة
– مش عارفة الموضوع غريب جدا، لأنه لو مس ازاي يوصل لمرحلة القتل
– حسب معلوماتي البسيطة ان اللي حصلها ده مس من القرين مش من جن عادي، وده يفرق كتير
– يفرق في ايه بقا ؟؟

– تفتكري انتي لو رايحة تسرقي مكان غريب هيكون زي مثلا لما تسرقي بيتك أو بيت حد قريبك وحافظة مكانه كويس
– أكيد لا، لو بسرق بيتي هيبقا أسهل كتير

– أهو ده اللي حصل معاها بالظبط، القرين بيبقا وقت مس صاحبه وكأنه في بيته بالظبط، عارف ازاي يخوف صاحبه، وازاي يوهمه ويبالغ في ده، بل وازاي يخليه يرتكب جريمة قتل متكاملة، عكس الجن العادي اللي مش عارف طبيعة الانسان اللي معاه

– يعني القرين وقت المس بيكون حافظ كل صفات الشخص وقادر يخليه يعمل اللي هو عاوزه
– بالظبط كدا، ووقت قتل جوزها هي كانت في مرحلة من الوهم الرهيبة اللي خلتها تظن انها بتدافع عن جوزها بس هي في الحقيقة قتلته وبصماتها هي اللي كانت على السكين
– واحنا هنقول في تقريرنا كدا

– طبعا لا، النيابة مستحيل تاخد تقرير تشخيصي زي ده، اهي البنت معانا وبنحاول نعالجها
لمتابعة القراءة اضغط على الرقم التالي في الصفحة التالية 👇