بتلقائية بصيت على المراية بخوف بس لقيت كل حاجة طبيعية، خرجت بسرعة من الحمام وانا مش قادرة اتمالك نفسي، كأني تايهة في قلب المقابر، خرجت للصالة وهنا سمعت صوت جوزي في الاوضة بيتكلم مع حد..
قربت من الاوضة بسرعة عشان ادخل، كنت محتاجة أحس بالأمان في وجوده، الباب كان موارب زقيته بالراحة و
و
و
ايه ده ؟؟
انا شوفت جوزي مديني ضهره وبيتكلم مع، بيتكلم معايا انا، جسمي كله اتخشب مكانه من الفزع وانا شايفة واحدة شبهي بالظبط بتقرب من جوزي وبتكلمه بصوت رقيق جدا:
– يعني انت مش زعلان مني
وقتها شهقت شهقة عنيفة، وبصلي جوزي وظهر الرعب على ملامحه، في اللحظة دي اتغير شكل البنت اللي شبهي، وشها بقا فيه نفس الجروح المخيفة، بصتلنا بغضب شديد، في اللحظة دي جوزي وقع من طوله مغمى عليه..
وانا وقفت ابصلها وانا مش قادرة اهمس، اتحرك، وكأني اتحولت لتمثال من الشمع، اتحركت ناحيتي في اللحظة دي فسمعت صوت مقزز، كأن فيه دودة عملاقة بتتحرك..
بصيت لمصدر الصوت وعنيا هتنط من مكانها من الفزع لقيت، لقيت رجليها عبارة عن عجينة من اللحم والجلد، كأن رجليها سايحة أو اتحطت في مية مغلية فتحولت للحم مستوي..
في اللحظة دي مقدرتش اتمالك نفسي وصرخت، ومع صرختي جريت ناحية باب الشقة عشان اهرب من المكان كله، بس الباب مكنش بيفتح، حاولت معاه مرة واتنين وتلاتة، بس كان مقفول وكأنه ملحوم في بعضه، جريت ناحية اقرب مكان ليا ومن الخضة لقيت نفسي في الحمام وبقفل عليا الباب..
لمتابعة القراءة اضغط على الرقم التالي في الصفحة التالية 👇
