– شوفتي ضربني ازاي، شوفتي كرامتي اتهانت ازاي يا لؤلؤتي
انتهيت من كلامي وفوجئت اني شايفة حد تاني في المراية، مستحيل تكون دي أنا، لقيت واحدة شبهي وفي نفس جسمي، بس وشها كان مليان خرابيش، كأنها طالعة من خناقة كبيرة، خدها اليمين كان احمر بلون الدم بسبب أثر صوابع عليه، وكان باين على نظراتها الغضب، كانت بتبصلي في عنيا بتركيز وعنيها بتطلع شرار..
رجعت برعب لورا ورفعت ايدي اللي بتترعش لفوق، بس شبيهتي اللي في المراية مرفعتش ايديها، وفجأة لمحت شبه إبتسامة على وشها، وقطع نور الحمام..
انا واقفة جسمي كله بيترعش قدام مراية كنت لسة شايفة جواها شيطانة، والمكان كله ضلمة، ووسط رعبي شوفت نور، شعاع نور أحمر طالع من المراية، وفجأة حسيت بكف بيلمس رقبتي، الكف كان بارد زي التلج، خلى جسمي كله ينمل ووقعت من طولي في أرض الحمام..
الغريب اني وانا في الغيبوبة دي كنت سامعة صوت مخيف، وكأن حد بيتقيئ أو بيكح بس بصوت مرهب، الصوت تقريبا كان حوليا في كل مكان، لدرجة اني كنت حاسة بجسمي عمال يتهز من قوة الصوت، في النهاية انا صحيت، فقت لقيت نفسي واقعة في البانيو ونور الحمام شغال..
لمتابعة القراءة اضغط على الرقم التالي في الصفحة التالية 👇
