close
قصص وعبر

حضرتك الصور جاهزة، الصور الفردية الي فيها كل واحد لوحده، وصورة للعيلة كلها الخمس أفراد.

– حضرتك الصور جاهزة، الصور الفردية الي فيها كل واحد لوحده، وصورة للعيلة كلها الخمس أفراد.

= طب تمام هاجي استل.. حضرتك قصدك ٤ صح؟!
– لأ خمسة، حضرتك والمدام و ال ٣ أطفال.

قلبي اتقبض لما قال جملته، مش عارف إذا كانت قبضة ولا صدمة، ٣ أطفال ازاي؟! ” سما ” بنتي الي عندها ٨ سنين و ” شادي ” الرضيع، يبقوا ٣! مهو يا اما الصور مش بتاعتنا ياما الراجل ده شارب حاجة، بس مش بتاعتنا ازاي، ده الراجل جه صورنا في البيت الجديد مخصوص، ومع ذلك لما سألته على الصور وصفلي الشكل بالظبط، لحد.. لحد ما نهى كلامه ب.. ” و البنت التانية شبه اختها بشكل كبير “.

بنت تانية! معرفتش أقوله ايه، بس ساعتها افتكرت حاجة، افتكرت حاجة خلتني أقفل كلام معاه وأقوله” خلاص هاجي اخدهم منك كمان شوية “، افتكرت جملة ” سما “، أول ما جينا البيت ده من أسبوع تقريبًا..

– بابا، ” لارا ” بتقولك ممكن نلعب شوية؟!
سألتها ساعتها مين ” لارا “؟! فقالتلي..
– ” لارا ” صاحبتي، سلمي على بابا يا ” لارا “.
ضحكت ساعتها، قولت طبيعي خيال الأطفال الي في سن ” سما ” بيهيألهم وجود أصدقاء خياليين، ف ابتسمت ساعتها وقولت..

– أهلاً يا ” لارا “، العبوا بس من غير صوت.
بس الموضوع موقفش لحد هنا، كنت كل ما أعدي من قدام أوضة” سما ” كنت بسمعها كإنها بتهزر وتضحك مع حد، ولما كنت بخش مكنتش بلاقي حاجة! سما كانت بتبقى قاعدة قدام اللعب لوحدها.

ومش بس كده، ده أنا ساعات كنت بلمح خيال ” سما ” بيعدي من قدام أوضتنا بليل ولما كنت بنادي عليها كنت بلاقي الخيال ثبت قدام الأوضة ثواني وبعدين مشي، كنت بحس الموضوع غريب بس قولت تهيؤات عادي.

لمتابعة القراءة اضغط على الرقم التالي في الصفحة التالية 🌹

1 2 3 4 5 6 7 8 9الصفحة التالية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!