كُنت مخطوبة لشخص لمدة ٣ سنين، مُدة كبيرة، عِشرة عمر!

كُنت مخطوبة لشخص لمدة ٣ سنين، مُدة كبيرة، عِشرة عمر! اتعودت على وجوده ف حياتي، اتعودت إنه دايمًا هِنا، كانت خطوبة عادية، مع الوقت اتعلقت بوجوده، لكن مع الوقت برضو عيوبه بدأت تِبان، عيوب مقدرتش اتقبلها ولا اتجنب كونها فيه، بس صِعب على قلبي افارقه بَعد العِشره دي خصوصًا إنه قريبي و أعرفهُ و أعرف أهله كويس مِن زمان. حاولت في الأول أتقبل الوضع بس كان صَعب ولما فرحنا قرب وكان باقي عليه شهور قليلة خوفت، قلقت، مكنتش مطمنه زي ما المفروض أكون! حكيت لـ أهلي اللي أنا حساه، و لأن والدي قُريب مني وبيفهني جدًا فهم شعوري، و كلمه وانفصلنا، لكن شعوري مكنش وقتها أحسن حاجة، اللي حصل مكنش هين على قلبي أبدًا .. فضلت فترة طويلة رافضة أقابل أي عِرسان، أنا لسه طالعة من تجربة و عايزه اتعافى مِنها، عاوزة أنسى أو على الأقل أتناسى! لحد ما ف يوم بابا نادى عليا و قال: تعالي يبنتي عايز اتكلم معاكِ شوية ردِيت: سمعاك يحبيبي، خير. _كُل خير إن شاء اللّه، متقدملك عريس. _تاني يا بابا؟ أنا مش قولت ل حضرتك إني مش عايزه حد ل فترة على الاقل! _ما أنا قولتله كدا، لكن هو مصمم إنك تديله فُرصة و تقعدي معاه. _ هو مين؟! _ يوسف، جارنا. _ يوسف! أنا اعرفه! ايوه أعرفه، يوسف أهدى شاب ف منطقتنا، شخص عيونه دايمًا ف الأرض و ف حاله جدًا و الكُل بيشهد بِأخلاقه، ولأني انا كمان بغُض بصري مكنتش بلمحه غير كُل فين و فين. لمتابعة القراءة اضغط على الرقم التالي في الصفحة التالية 🌹 _نور! سرحتي ف أي يبنتي! _هه! لا يا بابا مفيش، طب أنتَ رأيك ايه؟ _ابتسم: يوسف شخص ميتعوضش ف لو انتِ موافقة تقابليه هقوله معاد يجي فيه. _خلاص اللي تشوفه يا بابا. _ابتسامته زادِت: على خير إن شاء اللّه. تاني يوم كان يوسف عندنا، لِبست لبس بسيط زي العادي، و طلعت سلمت على والدته و رميت السلام عليه من بعيد و قعدت، شويه و سابونا نِتكلم، ف سألته: ليه أنا ؟ _ايه! _يعني قصدي، ليه صممت إني أقابلك. _لأني مستني الوقت دا من سنين. لمتابعة القراءة اضغط على الرقم التالي في الصفحة التالية 🌹 علامات التعجب بانِت على وشي، ف كمل: أنا مش متقدملك ل مجرد إنك بنت مؤدبة، و من عيلة و أي حد يتمناها، أنا متقدم لـ شَخص نور، اللي وِقعت عيوني عليها صدفة لما نقلنا أنا و والدتي لِ المنطقة هنا من سَبع سنين و من و قتها و صورتها ف بالي، حاولت كتير اشيلك من تفكيري بس كان صَعب! دعيت ف الأول إن ربنا يبعدك عن بالي، لأن الوقت مش مُناسب إني اجيلك؛ لأني وحيد امي و المسؤول عنها من يوم وفاة والدي، و وقتها مكنتش جاهز أخد أي خطوة إني اتقدم، و كُنت مستحيل أحاول معاكِ ب أي طريقة غير رسمية، مع إن الشيطان لِعب ف دماغي كتير عشان أعمل دا، لكن الحمد لله ربنا كان بيقويني على نفسي ف كُل مرة. فِضلت أربع سنين بدعي بيكِ و بشتغل على نفسي عشان اجيلك، و لما كنت خلاص هاجي اتقدملك، عِرفت إنك هتتخطبي، و بكدا فُرصتي راحت! منكرش إني ف وقتها انهرت، و كنت بدأت ايأس، و شطاني وقتها قالي نفعَك ب ايه دعائك! مش لو كان ليك كلام معاها كان زمانك أنتَ اللي هتخطبها دلوقتي! لمتابعة القراءة اضغط على الرقم التالي في الصفحة التالية 🌹 لكن الحمد لله المرة دي كمان غلبته؛ رغم إن الأمر كان صَعب على قلبي، بعدها رجعت من تاني أدعي بيكِ، لا مليت و لا يأست، مش هنكر إني كنت بيأس أوقات؛ لكن الحمد لله كان وقت قُصير جدًا. و كل ما فرحك كان بيقرب كنت بحس بخوف اكتر، و مع ذلك موقفتش دُعائي بيكِ أبدًا. لحد ما ف يوم وصلني خبر انفصالك، منكرش إن الخبر فرحني و اداني امل! جايز تشوفي إني أناني بس حقيقي أنا كان مُمكن يجرالي حاجة لو بقيتي لـ غيري، و مقدرتش اعمل حاجة غير الدُعاء، لحد ما القدر أتغير، انتِ شايفه إني استاهل فُرصة، و لا أنا غلِطت و كُنت أناني؟ لمتابعة القراءة اضغط على الرقم التالي في الصفحة التالية 🌹 كنت ساكته، مش عارفه اقول ايه؟ مش قادره اتكلم، حروفي عاجزة، هو في حد مُمكن يحب حد بالشكل دا؟ .. مرضتش اعلق على كلامه ب أي شيء، أكتفيت ب إني اقوله إن ردي هيوصله مع والدي، و بعدها صليت استخارة، و قولت لـ بابا يبلغه موافقتي. اتخطبنا، و لأنه جاهز و أنا بِالمثل، الخطوبة مطولتش. بعد كتب الكتاب سألني نفس السؤال بس بشكل صريح أكتر، إن كُنت شايفه اللي عمله حُب و لا أنانية! جاوبته: بإنه صعب يتصنف انانيه لأنه بيساطة لا اذاني ولا أذى الشخص اللي كان معايا أو طلعه وحش ف عيوني مثلًا! هو قلبه كان بيدعي.. بيدعي وبس، و دا اللي خلاني اطمنت ليه، و وافقت. أيا أجملَ أقداري، و كُلُ جميل مرَ بي، هنيئًا لِ قلبي بك، و مرحبًا ثمَّ مرحبًا يا مَن مررَت حُبًا. ♥️ _قصة_واقعية. تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤