قصة_حقيقية معازف الشيطان

#قصة_حقيقية معازف الشيطان دخلت لدوش وعمرت البنوار بالماء السخون وتمديت فيه بديت نخمم ونحس بالراحة, ما نسيتش ندير غنية بالتيليفون نموت علي الشاب حسني واسترخيت أكثر وأكثر, شوية وسمعت الطبطيب قاوي علي باب الدوش , حاجة بينا مكنتش محتاجة نعرف علابالي بيه راجلي, وعلابالي بيه راح يبدا يهدر ويدابزني علي لغناء اللي دايراتو فالدوش, تجاهلت الطبطيب منيش في مود يسمحلي نهدر معاه, قعد يطبطب حتي كره وراح, زدت في صوت لغناء أكثر وغمضت عينيا بقيت تايهة, تايهة في في عالم اخر.. لدرجة نعست ورقدت فالبنوار من قوة الراحة النفسية والهدوء اللي كنت فيه, وفي غفوتي هذي شفت واحد قصير وشايب يشبه للاقزام يعرج وماشي في طريق كاملة ضباب, ركزت معاه وانا منيش فاهمة هذا شكون وعلاه يشمي في هذه المشية, شوية وشاف جيهة يديه ليمني وتبسم ابتسامة تخوف بزاف, شفت اسنانو كاملين بالون الاكحل ومكسرين, شفتو ماشي في قلب الضلمة حتي دخل في فالحيط, وفي رمشت عين لقيتو فات قدام المراية ودخل لدوش تاعي, شاف معايا وانا راقدة فالبنوار, جاا عندي يجري وهجم عليا وخنقني بكل قوة, نضت مخلوعة من نومي و غفوتي هذي وانا نرغي وقلبي يخبط بالقوة.. لمتابعة القراءة اضغط على الرقم التالي في الصفحة التالية 👇 لقيت لغناء مزال يمشي عادي صوت حسني في الدوش , وقفت نجري شفت فالمراية وخايفة, مالقيت حتي حاجة, غير علامات الخنق في رقبتي, ومخبشة, لبست قشي وخرجت نجري مالدوش, رحت نحوس على راجلي كنت خايفة بزاف, ااووف لقيتو خرج.. قعدت شوية فالشمبرا وانا نرعش وقلبي يخبط, شوية وسمعت صوت حسني فالدوش, رفدت راسي بصدمة لقيت التيليفون فوق السرير في جمبي, ملا شكون اللي يسمع في حسني في الدوش, قربت من باب الدوش وانا نرعش وندعي في ربي يسترني, فتحت الباب وكان الصوت واضح بزاف, بقيت نقلب في راسي ونشوف, مكاينش مصدر للصوت, الصوت تقول خارح من وسط الحيط, ولا جاي مالمراية اللي في الدوش. بقيت نشوف في المراية بتركيز حتي شفت, الكائن القصير الشايب اللي وجهو باشع, كان شاد تليفون وقاعد في بلاصة مهجورة وجهو يخوف, وكان قاعد يسمع في غناية الشاب حسني, رفع راسو غير شافني بدا يغني, ويعاود بصوت خشين, يخوف.. مقدرتش نتحمل طحت فالدوش , مفقتش كي جا راجلي هزني بالقوة وخايف وقالي: "وشبيك راقدة في الدوش" شفت معاه بخوف وبديت نبكي مالخوف والرعشة اللي شدتني بعد الأحداث اللي صراتلي, دخلت نرقد, و الحمدلله قدرت نرقد بلاك 10 سوايع كاملين, تقول عليا مرقدش شهر, وبعد نضت, نضت على حاجة تتلاسق في وجهي, وقفت مخلوعة لقيت كلب يمسح في لسانو على وجهي, رغيت بأعلي صوتي شفتو خرج يجري, وفي الوقت هذا ستوعبت باللي اانا راقدة في قلب المقبرة, والجو ليل وظلمة, وقفت من بلاصتي وبديت نشوف وانا حابة نخرج مالبلاصة هذي بأي طريقة بصح معلاباليش كيفاه نخرج .. لمتابعة القراءة اضغط على الرقم التالي في الصفحة التالية 👇 في الوقت هذا سمعت نفس الأغنية, وصوت حسني جاي من قلب المقبرة تخلاعت, وشعر تاع جسمي كامل وقف, وحسيت بالتريسيتي يمشي في دمي, شعور يخوف, يرعب, مشيت جيهت مصدر الصوت وانا ندعي في ربي نلقي واحد يقدر يساعدني, في رمشت عين شكون هذا اللي واقف, قدام المقبرة لقيت ماما الله يرحمها.. هذي هي ماما, ماما اللي ماتت من سنين, جسمي بدا يرعش بزاف وانا حاسة قلبي راح يخرج من صدري, قربت منها وعيطلها: "ماما" شافت معايا ط واتبسمت, هدرت معاها بلهفة وبنبرة خوف وقلتلها: "ماما انتي عايشة يا ماما" قربت مني وفتحت يديها باه تتحضني, تحضنتها بكل لهفة وشوق الدنيا, وبكيت في حضنها بزاف, قربت لوذني وقالت: "ارواحي معايا نديك لداري تعيشي معايا" شفت معاها بخوف وقلت: "وين دارك" شفتها مدت يديها جيهت المقبرة اللي مدفونة فيها, رجعت خطوات لتالي بعدت عليها شوية شفتها تتحول وجسمها يصغار, حتي رجعت بنفس الشكل تاع الراجل الشايب, ومن وسط القبر سمعت صوت الغناية تاع حسني, مقدرتش نتحمل أكتر من هذا وبديت نرغي ونرغي بأعلى صوت, حتي شفت زوج رجال يجرو ليا, وقعت بين يديهم منطقتش حتي حرف, رفدوني ورجعوني لدار, وحكوا راجلي قالوله لقوني في المقبرة, راجلي كان راح يجن, كيفاه خرجتي مالدار وحدك وروحت للمقبرة, حاول يفهم مني مي مكنتش قادرة نهدر بنص كلمة, وقعدت نرعش نهار كامل, خايفة نرقد نلقي روحي فالمقبرة .. لمتابعة القراءة اضغط على الرقم التالي في الصفحة التالية 👇 للأسف الموضوع تعاود مرتين في سمانة وحدة, غير يسهي راجلي عليا يلقاني نمشي فالمقبرة كيما المجنونة ودايرة لغناء فالتيليفون, حتي بدات حكايتي تنتشر بين الناس, و الناس بدات تقول هذي جنت, واحد يقول تسكنت, وحكايات و حكايات, الهدرة اللي وصلتني زعما انتح-ر صح, مي هذاك النهار راجلي لحقني قبل ما نقطع شرايي-ن يدي , اللي طلبتو من راجلي يطلقني باه يرتاح مني, بصح المشكل شد فيا أكثر, الراجل اللي طول عمرو يدابز معايا ومهوش حامل يشوفني درك شاد فيا.. حتي ما روحنا لشيخ و للأسف لقيناه مشعوذ, وطلب مني نكتب كلمات في جسمي وانا في الدوش, ونوقف قدام لمراية ونقول كلمات جامي سمعتهم, راجلي أول ما عرف وشقالي رفض وخرجنا من عندو, وروحنا لواحد غيرو مي كان وجهو يطمن نفسيا, وكان يعالج بالقرآن, بديت نحكيلو في كل حاجة لعل وعسى يساعدنا.. قلتلو انا نعشق الاغاني, وخاصةً لغناء لقديم, وهذا كان سبب كبير فالشاكل اللي بيني وبين راجلي وزيد جامي صاليت ,وكان راجلي كل يوم يدابزني علي صلاتي ولغناء, ومن كثرت إدماني وليت نسمع لغناء و انا في الدوش, وبدات تصرالي أحداث واحداث, وصدقني اذا اللي انا فيه هذا بسبت لغناء في الدوش خلاص ما نزيدش مسمع لغناء طول عمري , تبسم وقالي: "يا بنتي إنتي ننصحك اذا بطلتي تسمعي لغناء هذا راح يضري ربي سبحانه الغناء حرام, مهيش حكاية تتأذي مالجن بسبت الغناء, الأغاني ما هي إلا لهو, يأثر على قلب الإنسان بالباطل ويشغلو علي الطاعات, ويملى قلبو بحب المعصية وطريق الشهوات, الأغاني حرام لأنها بتشغل الإنسان علي الطاعة وسماع القرآن, وعلي هذا حرام وخلت شِرار الجن يحكو من جسمك, وخاصةً الجِن الكافر اللي يسكن االدوش وقدر يتمكن منك تمكن كامل, وللأسف النوعية هذي مالمس توصل للموت ولا الجنون" "أنا إن شاء الله نعالجك, نعالجك بكتاب الله, بالقرآن اللي المفروض مالي قلبك, مي انتي للأسف خليتي مليتي مكانو بالأغاني ولهو وموسيقى, وراجلك اللي كان ينصحك ليل نهار هذا مسؤول عليك ويتحاسب عليك, ومن حقو ينصحك ويقومك ويوجهك للصلاة وترك المحرمات, لازم تنوي التوبة يا بنتي لوجه الله باه نقدر نبد في العلاج" لمتابعة القراءة اضغط على الرقم التالي في الصفحة التالية 👇 ومن هذاك النهار نويت, نويت نتوب علي الأغاني وترك الصلاة, التزمت التزام كامل, وعانيت بزاف مي قدرت نتعالج بفضل الله, وبدلت سماع الأغاني بالقرآن والأناشيد الدينية, وبالعكس تماما, وليت نحب الصلاة والطاعات ونقرب منهم, علاقتي تحسنت مع راجلي بزاف وهو كان أحن انسان عليا في الدنيا, حسيت صح باللي الأغاني كانت الشيطان اللي في حياتي مهوش الراجل الشايب اللي كنت نشوفو, وكي تخلصت منها حياتي كاملة تدلت للأبد.. ........... "ليكونن من أمتي أقوام يستحلون الحر والحرير والخمر والمعازف. رواه البخاري" تمت القصة ودمتم في امان الله 😍🌹❤ اذا انتهيت من القراءة صلي على النبي 😍❤