بصوت مبحوح، خرجت وروحت للسرير وقعدت جمبه، مد ايده بصعوبة مسك ايدي والدموع بتنزل من عنيه ….

بصوت مبحوح، خرجت وروحت للسرير وقعدت جمبه، مد ايده بصعوبة مسك ايدي والدموع بتنزل من عنيه وقال: متزعلش مني أرجوك، كان غصب عني يا حسام، انا عارف اني غلطت ومتقبل النهاية لنتيجة غلطي، لكن أنا فوقت، وساعتها حاولت اغير الوضع اللي حطيت نفسي فيه، بس مقدرتش، كان الوقت فات على التغيير ده، لأني من الاول تماديت في الغلط، بدأت بحلم، واحدة حلوة في الحلم فتنتني، مع الوقت كان بيتكرر الحلم، وكل مرة بحس أنه حقيقي، كأنها حياة تانية جوه عالم تاني، اتعرفت عليهم، وشوفت حياتها وأهلها، واتجوزتها، وكنت بعيش معاها كل التفاصيل، لكني فجأة فوقت وحسيت ان اللي بعمله غلط، لتكملة القصة اضغط على الرقم 2 في الصفحة التالية 👇 حاولت أبعد، لكنها مرضيتش، وهددتني لو فكرت ابعد هتموتني، حاولت اوصلك منعتني، حبستني جوه عالم أنا معرفوش، كنت بشوف نفسي جوه اوضتي بس مش انا، ولا ليا سُلطة على نفسي، كنت بسمع نفسي بشتم امي واخواتي، بزعق فيهم لو حد خبط عليا منهم، بمارس سحر وبعمل حاجات غريبة، ووفقدت السيطرة على نفسي نهائي، ومعرفش ايه حصل، يمكن دعوات أمي، يمكن حبهم ليا، خلى امي تدخل أوضتي في الوقت ده، معرفش السبب، يمكن الكائن الأنثوي اللي كان مسيطر عليا كانت بتستخدمني لحاجة معينة، ولما اتحققت قررت تسيبني، لتكملة القصة اضغط على الرقم 3 في الصفحة التالية 👇 معرفش، مش عارف حاجة، لكني متقبل النهاية، وعارف أنها لسه هنا، حاسس بوجودها، حاسس أنها حوالينا، أرجوك. خلي بالك من أمي وأخواتي.. طمنته انه هيبقى كويس، وان مفيش اي حاجة تقدر تأذيه، لا بشر ولا حتى جن، وان وقع ضُر على الإنسان بسبب كده، فده بإذن ربنا، وقادر ربنا يرده ليه، طلبت منه يرجع بقلبه لربنا، يطلب المغفرة بقلب سليم، ويستعن بالله، وساعتها ربنا هيكون جمبه.. لتكملة القصة اضغط على الرقم 4 في الصفحة التالية 👇 قفلت باب الحمام، واخدت تليفونه من والدته وحطيته في الشاحن وشغلت القرآن، واتفقت معاها ومع اخواته اننا هنعمل ورديات نكون جمبه فيها، ومينفعش نهائي نغفل عنه، وسيبنا إحدى اخواته معاه ورجعت مع الباقي البيت، دخلت أوضته وبدأنا ننضفها، وحرقت بعدها كل الكتب اللي لقيتها عنده، وسيبنا القرآن شغال فيها.. وروحت بعدها صليت في المسجد، وبعد الصلاة قعدت مع إمام المسجد وحكيت له اللي حصل، فقال: _ ممكن يا ابني ده يحصل فعلا، ممكن يكون صاحبك حد عامله حاجة في الاطار ده، واستخدمه في حاجة معينة لتنفيذ سحر او ما شابه، لكن الأقرب هو أن صاحبك اتفتن من واحدة من الجن، وعاش معاها، ولما فاق هي عملت فيه كده، ويمكن لأنه كان متدين زي ما أنت قولت ده خلاه يفوق، وده يمكن السبب اللي خلاها تفتنه، أصل دول ما بيروحوش لأهل السوء، دول بيختار الأخيار عشان يبعدوهم عن طريق ربنا، خليكوا جنبه، ولما يخرج من المستشفى إن شاء الله، بلغني وهنعمله زيارات، وبإذن الله هيكون كويس.. لتكملة القصة اضغط على الرقم 5 في الصفحة التالية 👇 فات بعدها 4 شهور تقريبا، خرج محمود من المستشفى، وعملنا فيهم جلسات كتير لعلاجه بالقرآن، في الأول كان بيتشنج وبيخرف، وبيتكلم بصوت نسائي غليظ، ومع تكثيف الجلسات بقى في حال أفضل، يمكن مرجعش زي الأول 100٪، لكن على الأقل بقى يقدر يصلي، بقى بياكل، ويقعد مع أهله، لسه فيه توابع وبيحكي عن كوابيس وأحلام غريبة، وعن احساسه بوحودها معاه في مل مكان، لكن الشيخ قال إن ده طبيعي، ومع الوقت وإلتزامه، هيبقى في حال أفضل إن شاء الله.. تمت..