واقعية : أنا شاب عمري ٣٨ سنة، مفيش حاجة غلط أو بمعنى أصح حرام إلا وعملتها

واقعية : أنا شاب عمري ٣٨ سنة، مفيش حاجة غلط أو بمعنى أصح حرام إلا وعملتها. بدون أي استثناء وهسيبلكم الموضوع مفتوح للأسف. اتعرفت على شلة كدا في تانية كلية اتحولت بعدها من ابن ناس كل الناس تحب تعرفه لشخص كل الدفعه بتقلق منه و بتحذر بعض منه. بدأت القصة بالهروب من المحاضرات وناخد عربية صاحبنا ونقعد نشرب سجاير و نعاكس بنات .. بس معاكسة رذلة. بعدها السجاير بقت حش@يش .. بقيت بشرب كل المخد@رات و مش هقول اساميهم، مبقاش معايا فلوس و قولت لأمي إني مزنوق عشان كذا كورس وادتني حتتين دهب عندها وكنت بصرفهم على الز@نا والشرب ! ومفيش أدنى إحساس بالذنب. طبعا انقطعت عن الصلاة تمامًا لأن واحد من الشلة قالي إزاي هتتقبلك صلاة ، ده أنت بتعمل عمايل كفار يابني !! ووقفتها لأني كنت غرقان في عك ما يعلم بيه إلا ربنا . أبويا لاحظ شقلبة الحال اللي بقيت فيها و غِلب يتكلم معايا بالشدة واللين والضرب والحبس ومنع الفلوس بس كنت كل مرة بخرج وأوقات كتير كنت بسيبلهم البيت وولا بيهمني حد وامخي كانت بتجري تدور عليا في الشوارع هي و أبويا. لمتابعة القراءة اضغط على الرقم التالي في الصفحة التالية 🌹 انحرفت أكتر واتفصلت من الكلية وبقى اسمي عند أهل المنطقة الح@شاش!.. أبويا مستحملش اتجلط ومات، مات بسببي... كنت مغيب ساعتها وكان كل خوفي إني أروح المقابر وقالولي أدخل أحضر الغُسل قولتلهم لا .. خدوا حد نضيف أنا منفعش وأمي حلفت لازم اغسل ابويا عشان أنا ابنه الوحيد.. دخلت وانا بترعش كأن أنا اللي هدخل القبر ، في كل لحظة كنت بفتكر متعتي وانا بزني وانا بجاهر بالمعصية وسط صحابي. فلوس أهلي اللي ضاعت على حش@يش ومخد@رات وشُرب و على وسط رقاصات وفي أماكن مشبوهة !! لمتابعة القراءة اضغط على الرقم التالي في الصفحة التالية 🌹 اغمي عليا وعرفت إني فضلت كده شوية وافتكروا إن فيا حاجة وكلهم فاكرين إني متأثر بوفاة والدي وانا متأثر بآخرتي السودة من عمايلي الأسود. كانوا بيجرجروني عشان أحضر الدفنة. صوت عياطي كان جايب كل المقابر لدرجة إن قرايبي قالولي كده غلط، احترم الموتى. حفرت اللحد معاهم بإيدي .. دخلت أبويا القبر بإيدي ومسكت جسمه اللي لسه دافي ودفنت راسي في حضنه وقولتله وعزة جلال الله ما هرجع للي كنت فيه تاني. طلعت من المقابر مسنود على ولاد عمي، فضلت مش حاسس برجلي لليوم اللي بعده، مكسوف أقوم اتوضى و اصلي ! مكسوف أفرد السجادة فنزلت المسجد اللي جنبنا وحشرت نفسي بين اللي بيصلوا الفجر عشان مكسوف حد يقول إيه اللي جاب الح@شاش بيت ربنا. الامام كان صاحب أبويا الله يرحمه خدني بالحضن و طمني. قولتله أنا وحش أوي ، أنا عاصي وكنت لسه هحكيله قالي مش عايز أعرف وما دام نويت التوبة أنسى اللي فات. قولتله بالسهولة دي؟؟ يعني ربنا ممكن يتقبلني تاني بعد كل اللي هببته؟ لمتابعة القراءة اضغط على الرقم التالي في الصفحة التالية 🌹 قالي " قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ" من اليوم ده وانا منظر دفنة أبويا ما بيفارقش خيالي. روحت مقرأة وختمت القرآن كله و حفظته بالتجويد... بقيت مؤذن المسجد وبقالي ٨ سنين مبفوتش صلاة جماعة إلا لو بموت.. وساعتها كان كل اللي بيصلوا معايا في المسجد بييجوا يطمنوا عليا... بقي اسمي المؤذن بدال ما كان اسمي الحشاش. أبويا بقى بيجيلي في الحلم وشه منور و بيقولي إنه مبسوط مني .. ربنا كرمني من واسع في تجارة وبقيت فاتح بيوت ناس كتير من خير ربنا مش من فلوسي، اتجوزت ست قمة في الأدب والاخلاق .. ربنا رزقني بولد سميته ساجد و أتمنى من الله إنه يكون ساجد فعلاً. لمتابعة القراءة اضغط على الرقم التالي في الصفحة التالية 🌹 بقيت بحاول آخد بايد الشباب اللي الدنيا لاهياهم زي ما كانت لاهياني... اهدي لكل الشباب تجربتي رغم انها كانت في منتهي القسوة بس حولتني لانسان تاني خالص عمري ما كنت اتمني ابقي ربعه حتي.. ربنا رحمته واسعه فوق ما نتخيل . متسمعش كلام حد يقولك استحالة ربنا هيسامحك . بس ياريت تعجِّل بالرجوع قبل الفرصة ما تروح عليك ♥. العمر لحظة ♥🌿 واقعية تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤