الناس كلها بتورث أراضي وعقارات من أهاليهم إلا أنا ورثت اغرب حاجة ممكن تسمعوها.الناس كلها بتورث أراضي وعقارات من أهاليهم إلا أنا ورثت اغرب حاجة ممكن تسمعوها.

أنا عندي ٢٧ سنة ولا مرة شوفته من جوا حتى.. كل الـ اعرفه أنه محل كان مفتوح زمان كباريه معروف في شارع الهرم واتقفل بعد كارثة كبيرة حصلت فيه.. إيه هي الكارثة بردو معرفش.

قعدت جنب ماما اقرطف الملوخية وحاولت أرسم دور المخذولة وقولتلها “أنا خلاص تعبت يا ماما من شغل الشوارع.. الناس مبقاش عندهم ضمير، أنا صحتي راحت قبل فلوسي، الله يرحمك يا بابا وجودك كان ساترني وشايل عني تعب الدنيا كله”.

سيرة بابا هي اكتر حاجة قادرة تحنن من قلب ماما، وكملت وقولتلها “مش لو كان عندي محل ولا حتى عربية كبدة مكنش حد قدر يجي جنبي ولا اتهان علشان الجنيه كده؟”.

ماما كانت قاعدة بتهز دماغها ومبتتكلمش، كأنها عارفة إني هفتح السيرة الياها.

لمتابعة القراءة اضغط على الرقم التالي في الصفحة التالية