الناس كلها بتورث أراضي وعقارات من أهاليهم إلا أنا ورثت اغرب حاجة ممكن تسمعوها.الناس كلها بتورث أراضي وعقارات من أهاليهم إلا أنا ورثت اغرب حاجة ممكن تسمعوها.
حاحا كان مذهول وتقريبًا محتاج يتضرب على نافوخه علشان يفوق من صدمته، قال بعد صمت طويل وهو بيتفرج على المكان “أنتي حفيدة سيدة السحرة؟؟”..
اللقب ده سمعته زمان من ماما أنه كان بيتقال عن جدتي كناية عن أنها اشهر ساحرة، وقولتله “ياااه دي تيتا طلعت مشهورة، ايوا ياعم أنا حفيدة سيدة السحرة.. هتاخد صورة ولا هنتكلم في الشغل بقا “.
بدأنا نستكشف المكان ونفس علامات الدهشة مرسومة على وشوشنا احنا الاتنين، واللي صدمني اكتر واكتر أن مش بس الكباريه رجع زي الأول بالانوار وكل شيء، ده كمان موجود فيه مشروبات الكحول والخمور!؟!…
حاحا رمى ايفيه وقالي “اوبا دي تيتا طلعت صاحبة مزاج، انتي عارفة سعر الازازة كام دلوقتي.. ما تقوليلها تشوفلي فين الشراب البنفسجي بتاعي ضاع من يومين وقالب الدنيا عليه”.
متحملتش غباوته ومسكت كل الازايز دي فضيتها في الحوض وقولتله “الحاجات دي مستحيل تدخل هنا.. أنا هجيب شوية مشروبات واندومي وسندوتشات ونقلبه مطعم على كافيه لحد ما الدنيا تمشي”.
لمتابعة القراءة اضغط على الرقم التالي في الصفحة التالية
