عمرك شوفت شبح لواحد ميت ماشي ورا النعش بتاعه وسط الناس ؟

عمرك شوفت شبح لواحد ميت ماشي ورا النعش بتاعه وسط الناس ؟ أنا بقى شوفت ، وما أعرفش ليه أنا بالذات ال شوفت دا بعنيا ، خليني أقولك الأول إني ساكن لوحدي في بيت صغير على السكة الحديد ، ماليش أي جيران غير بيت بتاع عريس وعروسة متجوزين من سنة تقريبا ، ورغم كدا كنت بسمعهم كل ليلة يتخانقوا مع بعض على مصروف البيت والأكل والحاجات دي ، وبصراحة أنا كنت أعرف إن العريس دا كان بيشرب مخدرات ، ويدوب كان يرجع كل ليلة والزعيق يشتغل بينه وبين مراته .. لتكملة القصة اضغط على الرقم 2 في الصفحة التالية 👇 وفي ليلة رجعت من شغلي بالليل مرهق جدا ، علشان كدا نمت بسرعة وما صحتش غير على صريخ الستات وصوت الميكروفون بيعلن إن العريس ال جنبي دا مات ، بيقولوا كالعادة كان راجع بالليل سكران ووقع من فوق السلم ومات ، وشوفت مراته ازاي كانت بتقلع في شعرها من الانهيار وتغسل وشها بالتراب ، وفضلت ساعات طويلة قاعد وسط الناس على ما الجثة خرجت وصلينا عليها الضهر واتجهنا بيها على المقابر.. لكن وأحنا في الطريق ، شوفت مشهد وقف له شعر راسي ، شوفت شبح الميت ماشي ورا النعش وسط الناس ؟ أنا ساعتها ما بقتش مصدق ال أنا شايفة وارتعبت ، وبصيت في وجوه الناس ، هل حد شايف ال أنا شايفه؟ جاوبت على نفسي .لا ،، أنا ال لوحدي شايف دا ،بعد كدا حسيت إني رجلي نملت ، وجسمي كله بقى لوح تلج ، وخصوصا إن الشبح دا بصلي وشاور عليا بأيده ، لتكملة القصة اضغط على الرقم 3 في الصفحة التالية 👇 ودا ال خلاني أقف برا شارع المقابر ، والشبح يكمل طريقه وسط الناس ، وفضلت واقف لحد الميت ما أندفن ، ولما الناس طلعت ببص لقيت شبح الميت بردو طالع وسطهم وماشي ورا مراته ، وكان بيبصلها بصات غريبة ، وكأنه عايز يتخانق معاها تاني ، رغم إن الست كانت ماشية مش دارية بنفسها من الحزن ... روحت يا جماعة وأنا مش لاقي أي تفسير لل شوفته، وبالليل حسيت إني زهقان ومخنوق ، علشان كدا فتحت البلكونة ال بتبص على السكة الحديد ، كانت الكارثة الكبيرة اني لقيت نفس الشبح جاي ماشي على شريط السكة الحديد ، وتحت البلكونة بتاعتي يقف ويشاور عليا للمرة التانية ، وزي العادة أنا أتسمرت مكاني من الخوف ، لتكملة القصة اضغط على الرقم 4 في الصفحة التالية 👇 ولقيته وقف قدام البيت ال جنبي ،نفس البيت ال كان ساكن فيه ، وال نايمة جواه دلوقت مراته وفضل يحدف الباب والشبابيك بالطوب ، وبعدين يبصلي فجأة ويشاور عليا ، وفضل على الحالة دي لحد ما قرآن الفجر قرب ، وطبعا نزلت أصلي الفجر وحكيت لامام المسجد على ال شوفته ، وسألته ليه الشبح كان بيشاور عليا ، وليه كان يحدف الباب بتاع مراته بالطوب ؟ وكان رد الشيخ عليا رد صادم أوي لما قالي : الشبح دا بيتعذب يا ابني ،،هو بيشاور عليك علشان انت كل ليلة كنت بتمسع خناقه مع مراته ، عايزك تروح تشهد بدا ، وتقول إن مراته هي ال قتلته .. ساعتها أنا سكت وعنيا برقت وسألته : هو معقول مراته تكون هي ال قتلته؟ ويرد الشيخ ويقول : وارد جدا يا بني طالما كان بيبصلها بغل وجه يحدف الباب بالطوب ، لتكملة القصة اضغط على الرقم 5 في الصفحة التالية 👇 وتاني يوم يا جماعة ، لقتني رنيت جرس مراته ولما فتحت سألتها : ممكن تقوليلي بصراحة . إنتي ال قتلتي جوزك؟ والغريب لقيت الست ابتسمت ابتسامة مخيفة ، وقالت أيوة أنا ال قتلته ، إنا ال رميته من فوق السلم وهو جايلي سكران بالليل .. ولقيت الست فضلت تضحك وترقص في الصالة ، ودا ال خلاني أتأكد ٱنها بدأت تفقد عقلها ، وبالفعل أمها وأختها سكنوا معاها ، ورغم كدا الست طلعت في يوم فوق السطح ورمت نفسها من فوق وماتت ، وأتقفل بيت جيراني للابد ورغم كدا ، كل ليلة بصحى على صوت خناق جاي من بيت جيراني وكأن أشباحهم بيطلعوا كل يوم بالليل علشان يكملوا خناق .. تمت ..