الدكتور بيقول ملحقناش نوصل لغرفه الشيخ سعيد ولقينا في ظابط شرطه داخل علينا وكان جاي يسلم حاله جديده وعرفت انه تبع قسم شرطه الهرم
وعلي الفور سألته هو مين عندكم اللي عاين وطلع قرار انهارده بتش*ريح البنت السوريه..؟!
الظابط- قرار ايه وبنت سوريه ايه يا دكتور.!!
الدكتور رد عليه وقاله انه من كام ساعه في بنت جات ومعاها اختها ومعاها قرار تش*ريح طالع من قسم شرطه الهرم
الظابظ- يا دكتور انا في القسم من 4 العصر لحد دلوقتي ومفيش الكلام دا لا في بنت سوريه ولا بتاع ومن امبارح مفيش اي جث*ه وصلت غير اللي جاي اسلمها دلوقتي دي
وقتها الدكتور قاله ازاي يعني اللي بتقوله دا؟؟
تعالي معايا هوريك الج*ثه بنفسك في التلاجه وكمان هوريك قرار التش*ريح اللي خارج من القسم عندكم والنيابه مصدقه عليه بختم النسر
وبالفعل يامرعب الدكتور والظابط وشعبان يروحوا ناحيه قاعه التش*ريح
والكل يقف عند التلاجه اللي المغروض البنت فيها واللي كان رقم الدرج اللي هي فيه b13
وبالفعل الدكتور يطلب المفاتيح من شعبان وياخدها ويفتح الدرج علشان يتخشب مكانه من الرعب
البنت مش موجوده والدرج فاضي مع انهم لسه حاطينها هنا ومتأكدين كمان
الطبيب بيقول وقتها كنت هتجنن البنت مكنتش موجوده فعلا كأنها فص ملح وداب طيب راحت فين ومين خدها وخدها ازاي واصلا القاعه مقفوله ومفتاحها مع شعبان بس، طيب اللي دخل وخدها دخل ازاي دا الباب والشباك مصفحين.!!
الطبيب وقتها قال للظابط انا هوريك قرار التش*ريح دلوقتي وجري علي مكتبه علشان يجيب القرار والظابط طلع معاه المكتب وبالفعل طلع ملف البنت وطلع قرار التشريح ولكن…
الورقه كانت بيضه تماما القرار اللي هو قرأه وشاف الاختام عليه دلوقتي اصبح ورقه بيضه .!!!
مكنش موجود في الملف غير بعض الملاحظات لللي كتبتها الطبيب بخصوص الحاله
لمتابعة القراءة اضغط على الرقم التالي في الصفحة التالية 🌹
