زواج تقليدي عائلي و3 أطفال، الزوج بيشتغل أعمال حرة ومستواه المادي كويس

زواج تقليدي عائلي و3 أطفال، الزوج بيشتغل أعمال حرة ومستواه المادي كويس، مرتبط بوالدته بشكل أكبر من العادي، وتقريبا مش بيعمل حاجة غير بإذنها، وكمان بيسمع كلام أخواته في كل صغيرة وكبيرة، من 6 سنين تقريبا ظهرت على الزوجة أعراض غريبة، ورم في أحد الثديين، وفي الأول قالوا خراج عادي، وخدت علاج ومفيش تحسن، وبعد فترة ظهر التشخيص الصحيح : سرطان في الثدي ! ( كنا عند الدكتور لما ودينا له نتايج التحليل والأشعة، وهو كان معايا، الدكتور قال إن الاصابة في المراحل الأولي، وإن شاء الله نتيجة العلاج مضمونة، كان بيحاول يطمني ويخفف من رعبي وخوفي، وإحنا خارجين من عند الدكتور جوزي نزل قدامي على السلم من غير ما يقول ولا كلمة، وروحني وبعدين خرج من البيت، في الليلة دي بات في بيت أهله، سألت عنه تاني يوم قالولي سافر في شغل، تليفونه مقفول على طول، وبعد كام يوم وصلتني قسيمة طلاقي ! ) أم الزوج بررت فعل ابنها بأنه مش ناقص مصاريف وعلاج وقرف (وأبوكي وأهلك أولي بيكي ) حاولت الزوجة توصل لجوزها بكل الطرق، مكانتش لسه قالت لأهلها أي حاجة، كان نفسها جوزها يقف جنبها، وتتعالج من غير ما حد من أهلها يعرف، ومكانش ينفع تروح لأهلها بتلات أطفال لأن أبوها حريص قوي وبخيل جدا، بس هي مش بتشتغل ولما ملاقتش فايدة إنها توصل لجوزها، اللي بيتهرب منها ملقتش قدامها غير بيت أبوها، لمتابعة القراءة اضغط على الرقم التالي في الصفحة التالية 🌹 الأب قالها ببساطة ( أنتي بنتي لكن دول مش عيالي ناس أبوهم أولي بيهم ) ودت العيال بيت أهل جوزها غصبن عنها، لأنها كانت في الفترة دي كمان تعبانة جدا، جسمانيا ونفسيا، حاولت تتصل بجوزها توصيه يراعي العيال على الأقل لحد ما تخف، لكنه ما ردش عليها، بعد يومين راحت تطمن على عيالها، لقتهم نايمين على الأرض في شقة ستهم تحت، والبنت مرات أعمامها عاملينها خدامة، مكملتش خمس سنين وبيخرجوها في الضلمة تجيب عيش، العيال أول ما شافوا أمهم اترموا في حضنها وفضلوا يبكوا، ويمسكوا فيها ويقولولها ( متسبييناش يا ماما ستو وعمو بيضربونا ! ) خدت عيالها وصممت إنها تشحت عليهم ولا ترجعهم بيت جدهم تاني، أخوها وأختها ساعدوها من ورا أبوها، وأتاجرت شقة صغيرة، واشتغلت مع كوافيرة عشان تأكل عيالها، أبوهم رفض يبعت لهم مليم، ومكانش فيها حيل لمحاكم وقضايا وهي مريضة، أخواتها ساعدوها وأهل الخير كمان، وخدت مساعدة من الجمعية الشرعية وكملت علاجها، اتداينت بمبلغ بسبب مصاريف العلاج، لكن ربنا كان معاها، مرت فترة 5 سنين حرفيا العيال مشافوش فيها أبوهم خالص، ولا بعت لهم مليم يوحد ربنا، لما راحت مرة لحماتها تطلب منها تخلي ابنها يبعت فلوس لعياله، قالت لها ( متجيش عندنا تاني لتسرطنينا !) لمتابعة القراءة اضغط على الرقم التالي في الصفحة التالية 🌹 أتعالجت ودينها زاد بسبب مصاريف العلاج الكتيرة، وبعد فترة أبوها مات، الأب كان حريص جدا لدرجة إن محدش كان عارف عنده كام بالظبط، لا عياله ولا مراته يعرفوا حاجة عن ثروته، وبعد موته عرفوا إن عنده املاك كتير ميعرفوش عنها حاجة خالص ! عملوا الاجراءات القانونية وحصر التركة، وبدأوا تقسيم الميراث، وأخواتها عشان عارفين ظروفها أدولها نصيبها الشرعي بزيادة شوية، واخوها قالها ( خدي حاجة ثابتة تنفعك وتنفع عيالك بدل ما تاخدي نصيبك كله فلوس ) خدت بيت كبير في شارع فيه محلات تجارية، وبعد ما أتنقلت ملكيته لها ربنا عوضها عن سنين الشقا، وتمن الأرض هناك زاد زيادة كبيرة، وسعر البيت أتضرب في مرتين تلاتة ! لمتابعة القراءة اضغط على الرقم التالي في الصفحة التالية 🌹 لما مات أبوها مفيش حد من أهل طليقها جه يعزيها، ولا يسأل فيها ولا في عيالها، من حوالي شهر راحت شغلها في الكوافير لقيت ابن أخو جوزها جاي بيسأل عليها، وطلب من صاحبة المكان رقم تليفونها، الست رفضت تديهوله إلا إذا عرفت هو مين وعايزين رقم المساعدة بتاعتها ليه، المهم إن حماتها السابقة شرفت عندها في البيت فجأة، وهي اللي مورتهاش وشها من يوم ما خدت العيال متبهدلين من قلب بيتها، عيطت وأتشحتفت وقالت لها إن " فلان" هيموت على عياله ونفسه يشوفهم، بس كان مسافر يا حبة عين أمه في شغل، وإنهم معرفوش بوفاة أبوها عشان كانوا جم عملوا الواجب، ونفسهم القلوب تصفي والمياه ترجع لمجاريها ! لمتابعة القراءة اضغط على الرقم التالي في الصفحة التالية 🌹 طبعا هي مكانتش مصدقة البجاحة اللي هما فيها دي، وردت على جدة العيال وفكرتها باللي عملوه فيها، وبأن ابنها سابها في مرضها وهمها، وتخلي حتى عن ولاده ومبعتش لهم مليم ! الست فضلت تبرر وتتشحتف وتعمل فيها غلبانة ومظلومة، هي مدتهاش وش ومشتها زعلانة، وبعد كام يوم جه هو بنفسه ! أبو العيال، الحلو إن الولد الصغير شاف أبوه وهو داخل البيت معرفهوش، ولا الراجل عرف ابنه وسط العيال اللي في الشارع ! لما لقته جاي عندها بعتت لأخوها يجي، وأتكلم هو معاه لإنها مش حابة تكلمه ولا تشوف وشه تاني . لمتابعة القراءة اضغط على الرقم التالي في الصفحة التالية 🌹 الخلاصة البيه عايز يرجعها، وطبعا عرفت كمان إنه أتجوز في فترة طلاقهم بس مخلفش من التانية، وبيقول إنه هيعدل إلخ إلخ ! أخوها قالها مترجعيش ده طمعان في الحاجة اللي ورثتيه، وهي كمان ده رأيها، بس في ناس بيقولولها حرام عليكي تحرمي العيال من أبوهم، وأرجعيله عشان خاطرهم، ولو العيال كبروا من غير أب هتكوني أنتي السبب، وأيه يعني أتخلي عنك في مرضك .. أصل الرجالة كلهم كده !!! ( رأيي أنا الشخصي بقي : مترجعيش ويتحرق أبو الناس كلهم، أخوكي صح وأنتي كمان صح، من لا يكون سند لي في وقت ضعفي لا حاجة لي به في زمن عافيتي* ! ) *ملحوظة : العبارة دي مش بتاعتي ومش فاكرة قريتها فين قبل كده . تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤