في لقاء تلفزيوني سابق للفنان محمود الجندي حكي عن فترة تجنيده

في لقاء تلفزيوني سابق للفنان محمود الجندي حكي عن فترة تجنيده في الجيش اللي زامنت فترة النكسة وبيحكي الجندي ويقول عن الفترة ديه:- " أنا دخلت الجيش بعد النكسة مباشره كنت ساعتها لسه مخلص معهد للسينما واللي دخل معايا وقتها من خريجي المعهد أذكر منهم مدير التصوير احمد عسر وممثلين كتير من خريجي المعهد العالي للفنون المسرحية زي خليل مرسي وعبدالله مشرف، المهم ابتدوا يوزعونا على الأسلحة فأحمد عسر وزعوه علي قسم التصوير الجوي وانا وزعوني علي سلاح الإشارة التابع للقوات الجوية قولتلهم أنا مفهمش حاجة في شغل الإشارة قالولي انت خريج إيه قولتلهم معهد الفنون المسرحية قسم تمثيل قالوله طيب أنت شايف هنا في الجيش قسم تمثيل قولتهم لا قالولي خلاص خليك في مكانك." لمتابعة القراءة اضغط على الرقم التالي في الصفحة التالية 🌹 وبستكمل الجندي حديثه وبيقول:- " في الفترة ديه كانت عندي احساس احباط لأني دخلت الجيش ومش عارف هطلع منه أمتي مرة يقول ده عام الضباب ومرة عام الحسم ومرة عام الحزم ومش عارفين هنحارب أمتي فكنت اي وحدة اروحها أعمل فرقة تمثيل لحد ما في يوم كنت في مطار الغردقة والصول اللي معايا حصل معاه ظرف معين فقالي أنا عايز انزل وانا كنت الضابط بتاعه المسئول عنه بس المشكلة أن الصول ده هو اللي كان مسئول عن فك الشفرة بين الطائرات والمدفعية وكان اياميها اي طيارة تعدي فوق المطار لازم تبعت شفرة بكلمة سر معينة عشان المدفعية متضربش عليها وكلمة السر ديه بتتغير كل فترة ف لأجل حظي المنيل الصول طلع إجازته من هنا والمدفعية بعتت رساله مشفرة بتغيير كلمة السر وانا أصلا معرفش اي حاجة في فك الشفرات عشان كده تجاهلت الرسالة وقولت إن شاء الله مش هتعدي طيارة 😁😁 لمتابعة القراءة اضغط على الرقم التالي في الصفحة التالية 🌹 واليوم هيعدي علي خير لحد ما الصول يرجع بس عشان الموضوع يتعقد زيادة بتعدي طيارة وبتسألني إن كان في كلمة سر جديدة ولا لا وأنا كالعادة مردتش علي الطيارة وقولت يعني اكيد المدفعية مش هتضرب عليها فالطيارة شكلها مصرية وأكيد هتعدي. المدفعية بعتت رسالة للطيار بتسأله عن كلمة السر والطيار مردش لأنه ميعرفش الكلمة الجديدة فالمدفعية ابتدت تضرب نار على الطيارة فالطيار لف ورجع واول ما نزل مكنش بيدور علي حد تاني غيري عشان يخنقني واتحولت لقائد الكتيبة وقولتله أنا عارف إني غلطان بس قبل ما تحاسبوني حاسبوا اللي حطني في المكان ده.. انا لا ضابط عامل وعمري ما هكون ضابط عامل والحمد لله العقيد اللي كان بيحقق معايا كان متفهم لموقفي جداً وعدت علي خير الحمد لله لكن الموقف الأصعب كان مع الرئيس حسني مبارك". لمتابعة القراءة اضغط على الرقم التالي في الصفحة التالية 🌹 في الوقت ده كان قيادة القوات الجوية بتبعت اظرف مغلقة ومختومة للوحدات وبعد شوية تطلب نفس الاظرف تاني ترجع من الوحدات ولا في اي اظرف بتتفتح ولا حاجة وكانوا بيشترطوا أن اللي يأخد الاظرف ويرجعها ضابط من الوحدات ديه ف جه الدور عليه عشان اخد الظرف من القيادة المركزية بالقاهرة و ارجعه بوحدتي في نفس اليوم وانا في القاهرة لقيت في السينمات فيلم My Fair Lady وكان الفيلم ده حديث العالم أجمع فقولت لو رجعت الوحدة دلوقتي مش هشوف الفيلم خصوصاً أن لسه الإجازة بتاعتي كمان ٤٥ يوم والاظرف رايحه جاية مش بتتفتح فقولت لنفسي مش هيحصل حاجه لو دخلت السينما النهاردة ونمت في بيتنا وروحت تاني يوم سلمت الظرف. لمتابعة القراءة اضغط على الرقم التالي في الصفحة التالية 🌹 فاخدت خطيبتي ودخلنا السينما وشوفنا الفيلم 😁 وروحت نمت في بيتنا وتاني يوم روحت الوحدة لاقيتها مقلوبة بيدوروا عليه وبيقولولي كل الوحدات ادت تمام أن الظرف وصل ماعدا وحدتنا وقالولي ارجع تاني بقي للإدارة المركزية قابل قائد القوات الجوية اللواء محمد حسني مبارك وساعتها كان كل اللي يشوفني يقولي ليه يا ابني عملت في نفسك كده لحد ما روحت مكتب قائد القوات الجوية واللي كان مشهور عنه الحزم والشدة فدخلتله قالي مسلمتش الظرف ليه 🤔 قولتله اقول لحضرتك الحق قالي قول قولتله كان بيتعرض في السينما فيلم my Fair Lady والفيلم ده مهم جداً بالنسبة لي وأنا خريج معهد تمثيل ولو استنيت الإجازة مكنتش هشوفه لمتابعة القراءة اضغط على الرقم التالي في الصفحة التالية 🌹 فقالي اجيب مين يفهم ويقدر الموقف اللي إحنا فيه اكتر من المتعلمين والمؤهلات العليا لو مكنتوش انتوا اللي تقدروا مين اللي يقدر قالي صراحتك ديه انقذتك أنت عارف الهدف من الاظرف اللي بتروح وتيجي ديه إيه قولتله إيه قالي كان إختبار عشان نعرف إن كان في معلومات بتتسرب من الوحدات ولا لا وإن كان في جواسيس ولا لا ولو مكنتش قولت الحقيقة كنت زمانك دلوقتي بتتحاكم محاكمة عسكرية والحمد لله الرئيس وقتها اداني حرمان من الإجازة بس." تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤