واقعة المنصورة 2021 في الدقهلية سنة 2021، وبالتحديد في المنصورة، كان عايش هناك، شاب اسمه أحمد عاطف الشربيني

واقعة المنصورة 2021 أقسم بالله، الشيطان نفسه ما يعملش الحاجة إللي احمد ابو العز عملها في احمد عاطف الشربيني تعالوا نعرف إيه إللي حصل في المنصورة سنة 2021. في الدقهلية سنة 2021، وبالتحديد في المنصورة، كان عايش هناك، شاب اسمه أحمد عاطف الشربيني وبيشتغل معيد في كلية الهندسة، متجوز، ومخلف ولد اسمه كنان، وكمان مراته كانت حامل في الوقت ده في ابنه التاني، وخلاص على وش ولادة يوم الأربع. وتحديدا 1-9-2021م. المهندس أحمد عاطف كان في القاهرة بيقضي مصلحته ما. وبعدين رجع على شقته في المنصورة، تقريبا كده آخر النهار ومراته في اليوم ده كانت خلاص هتولد الصبح نهار الخميس، يعني ما كانش باقي غير ساعات قليلة ع الولادة، الباش، مهندس أحمد قال لمراته أنا هاخد كنان أوديه عند مامتك علشان ما يتعبكيش، وإنتي مش ناقصة، وبعدها هأروح أقعد مع أصحابي شوية ع القهوة، أسمع الماتش بس. أنا مش رايح عشان الماتش. لأ. دا انا هستني صاحبي محمد أبو العز على القهوة لحد ما يجي لي هيجي لي علشان يديني مبلغ كده، وأقدر أدفع لك مصاريف الولادة في المستشفى الصبح، وبالفعل نزل وقعد مع أصحابه ع القهوة في انتظار محمد أبو العز، وطول ما هو ع القهوة، كان كل شوية يكلم مراته ويطمن عليها، يا إما بالاتصال يا إما على واتساب، وده لإنه قلقان عليها، وعد ساعة وإتنين وتلاتة وصاحبه محمد أبو العز لسه ما جاش لحد ما الساعة دقت 12 ونص بليل وفي اللحظه دي محمد أبو العز جاء له بالعربية بتاعته وقال له اركب يا أبو حميد هنروح نقعد على قهوة تانية غير دي، علشان فيه شخص هيجي لي بفلوس، هناك، الفلوس إللي أنا هديها لك، وفعلا البشمهندس أحمد ركب معاة العربية واتحركوا وقعدوا على قهوة تانية حوالي 10 دقايق، وبعدين محمد أبو العز قال له تعالى نتحرك من القهوة دي ونروح قهوة تانية. لمتابعة القراءة اضغط على الرقم التالي في الصفحة التالية 🌹 علشان نقرب المسافة للراجل إللي جاي لي بالفلوس. ونختصر الوقت. وكل ده البشمهندس أحمد كان بيتصل بمراته يطمن عليها وبيبلغها بخط سيره. المهم ركب البشمهندس مع محمد أبو العز واتحركوا للمرة التانية ولكن. المرة دي غير كل إللي فات. محمد أبو العز. المرة دي دخل بالعربية على كوبري جامعة المنصورة، وده عبارة عن كوبري ضخم جدا بيعديك نهر النيل وهو بالظبط الكوبري اللي عندكم في الصورة إللي، والكوبري ده ارتفاعه فوق النيل عالي جدا وشكله مرعب حرفيا، المهم محمد دخل الكوبري بالعربية. ولما وصل عند نص الكوبري بالظبط وفي حتة ضلمة جدا. فجأة كده حرارة العربية ترتفع وتعطل في المكان ده، محمد أبو العز نزل من العربية ومعاه الباش مهندس، أحمد ووقفوا على سور الكوبري المطل على نهر النيل وأبو العز ساعتها قال له اتصل بميكانيكي ييجي يشوف العربية فيها إيه؟ وفي اللحظة دي البشمهندس أحمد اتصل بمراته علشان يطمن عليها ويعرفها خط سيره والتوقيت. في اللحظة دي كان حوالي واحدة إلا تلت بعد نص الليل لمتابعة القراءة اضغط على الرقم التالي في الصفحة التالية 🌹 دي كان حوالي واحدة إلا تلت بعد نص الليل ، قل لمراته أنا واقف أهو على كوبري جامعة المنصورة مع محمد صاحبي لإن العربية عطلت بينا ومحمد واقف قدام أهو مستنين الميكانيكي، فمراته قلقت عليه وحست إن فيه حاجة مش طبيعية، فقالت له تعالى يا أحمد ومش مهم الفلوس دي، إحنا هنتصرف وهنجيب الفلوس من أي حتة، قال لها ما ينفعش يا بنتي ما يصحش، أسيب محمد صاحبي في مكان ضلمة زي ده لوحدة الدنيا ليل، ومفيش حد رايح ولا جاي. ولا حتى في عربيات وقفل المكالمة على كده وكل شيء لحد دلوقتي. عادي. بس إللي مش عادي إنه ما يعديش بعدها غير نص ساعة بالظبط. ومراته جاية تتصل عليه. مقفول تتصل تاني وتالت ورابع وعاشر. وتبعتلو واتساب وماسنجر. برضو. تليفونه مقفول. عدى ساعة وإتنين وتلاتة. والباش مهندس أحمد لا حس ولا خبر. طب مراته تعمل إيه؟ فكرت ساعتها تفتح اللابتوب بتاع جوزها وتشوف رقم محمد أبو العز عليه وتكلمه وتفهم فيه إيه. وده لإن الباش مهندس كان بيحفظ جهات الاتصال على. اللاب توب... لمتابعة القراءة اضغط على الرقم التالي في الصفحة التالية 🌹 واقعة المنصورة 2021 تفكير شياطين الحلقه الثانيه للكبار فقط 🔞 فكرت ساعتها تفتح اللابتوب بتاع جوزها وتشوف رقم محمد أبو العز عليه واتكلموا وتفهم فيه إيه. وده لإن البشمهندس كان بيحفظ جهات الاتصال ع اللاب بتاعه، وبالفعل لقت رقم محمد أبو العز واتصلت عليه رد، وسألته فورا على جوزها هو فين؟ ومجاش لية لحد دلوقتي ولية تليفونة مقفول؟ إيه اللي حصل؟ اللي أنا معرفش ده؟ الراجل اللي كنا مستنينه جايب الفلوس؟ جالنا على الكوبري وإحنا واقفين بعد ما أنتي قفلتي معاه بالظبط، وإديت للبشمهندس أحمد شنطة فيها 100 الف جنيه، وركب تاكسي وأخدها ومشي، وما أعرفش عنه أي حاجة بعدها، وما تقلقيش يا مدام، هتلاقيه هنا ولا هنا، وراجع دلوقتي، مرات البشمهندس طلعت قعدت في البلكونة من بالليل. لحد 9:00 الصبح في انتظار إنه جوزها يرجع ولكن. مرجعش. وطبعا كل ده التليفون مازل مقفول وهي المفروض خلاص ده معاد الولادة الساعة جت 10:00 الصبح. فاتصلت ساعتها على حماها أبو البشمهندس أحمد هو أحمد مابتش عندكم يا بابا؟ قال لها لأ يا بنتي ما جاش عندي أصلا. لمتابعة القراءة اضغط على الرقم التالي في الصفحة التالية 🌹 هو أنتوا متخنقين ولا إيه؟ قالت له متخانقين إيه بس يا بابا؟ ده حصل كذا كذا، وحكيت له كل الحكاية بالتفصيل. قال لها طيب طيب أنا هتصل بمحمد أبو العز وأفهم منه. وفعلا أبو البشمهندس كلم أبو العز. وبردو نفس الروايه ونفس الكلام. أحمد أخد مني شنطه فيها 100الف جنيه وركب تاكسي ومشي وما أعرفش عنه حاجة. بعدها حتى محمد أبو العز نفسه استغرب جدا قال له لا حول ولا قوة إلا بالله. معقول لسه ما رجعش؟ طيب أنا هقوم أحاول أدور عليه وأسأل ولو وصلت لأي حاجة هبلغك يا أبو أحمد واة صحيح مش يمكن راح دمياط ولا حاجة؟ ما هو هيبلغنا يا ابني لو راح؟ وبعدين أحمد أصلا ما عندوش شغل في دمياط اليومين دول العصر أذن يوم الخميس، وأحمد لسه مختفي قلبوا عليه الدنيا، سأله كل الأصحاب والقرايب مفيش مخلوق؟ شافه؟ ولا يعرف عنه حاجة، لفه، ودوروا عليه في كل المستشفيات، وإقسام الشرطة، والغريب. مفيش أي خبر عنه، و طبعا عملوا محضر باختفائه في قسم الشرطة والخميس خالص والجمعة جت وخلاص، مرات الباش مهندس أحمد معاد ولادتها، كان عدا إمبارح هي ما كانتش أصلا عاوزة تولد إلا بوجود جوزها، أهلها ضغطوا عليها وقالوا لها ميعاد ولادتك، عدي خلاص ودا غلط عليكي، لازم تولدي النهارده، وبالفعل دخلت المستشفى وولدت يوم الجمعة ولدت، وربنا قومها بالسلامة. وأما فاقت ما لقيتش جوزها جنبها. فكتبت وقتها منشور حزين جدا ع الفيسبوك بتخاطب في جوزها. وسبحان الله المنشور ده وقتها الناس كلها تعاطفت معاه واتفاعلت عليه ولف مصر كلها وكل الشعب المصري تقريبا عرف حكاية اختفائه. وبقت قضية رأي عام، والناس وقتها كلها بقت حزينة، وصورة المنشور موجودة في الصورة الشرطة طبعا شكلت فريق بحث على أعلى مستوى وكمان قبضوا على محمد أبو العز لإنه طبيعي، كان آخر شخص موجود معاه حققه معاه، وطبعا أبو العز كان متأثر جدا وزعلان على أحمد وما يعرفش عنه أي حاجة، وذكر نفس الرواية السابقة. لمتابعة القراءة اضغط على الرقم التالي في الصفحة التالية 🌹 وعدى يوم والتاني والتالت، والباش مهندس أحمد. فص ملح وداب. وظل البشمهندس احمد مختفي لمدة عشر أيام كاملة ولكن في اليوم إللي 11 وبالتحديد جنب كوبري جامعة المنصورة، كان في عامل تحت الكوبري راكب كراكة وبينضف النهر من ورد النيل، العامل اتفاجئ تحت الكوبري قدام عينه في وسط ورد النيل بجثة بني ادم فورا، العامل اتصل بالشرطه واللي جت عشان تتفاجئ إن إللي أدامهم دي جثة البشمهندس أحمد عاطف، واللي مبدئيا باين كده إنها ميتة بسبب الغرق وبس، ركزوا، هما لقوا الج@ثة تحت نفس الكوبري إللي البشمهندس كان واقف عليه مع محمد أبو العز، لما اتصل بمراته وقال لها أنا واقف جنب سور الكوبري من فوق مع محمد فورا كل الاتهامات، وراحت لمحمد أبو العز وإللي حققوا معاه ساعتها تحقيق قاسي جدا، لحد ما اعترف بكل شيء. ركزلي بقى يا برنس. علشان دلوقتي هجاوبك على كل الأسئلة اللي بتدور في راسك من الصبح واقعة المنصورة 2021 تفكير شياطين الحلقة الثالثة والأخيرة للكبار فقط 🔞 لحد ما اعترف بكل شيء. ركزلي بقا يا برنس عشان دلوقتي هجوبك على كل الأسئله إللي بتدور في راسك. من الصبح. محمد أبو العز كان عنده مصنع بلاستيك، والبشمهندس أحمد كان مديله مبلغ 680الف جنيه، وده يعني علشان يشغلهم له معاه في المصنع مقابل نسبة أرباح معينة كل شهر، وطبعا أبو العز كان موقع للبشمهندس أحمد على خمس وصولات أمانة بالمبلغ علشان يحفظ حقه، وفي البدايات أبو العز كان بيدي الأرباح للبشمهندس بانتظام كل شهر. لحد من بعد فترة مش كبيرة العملية بدءت طبوظ، أبو العز مبقاش يديلوا الأرباح الشهرية شوية بحجة أصل السوق واقف شوية، أصل أنا بخسر شوية بحجة مش عارف إيه، وفضلوا فترة كبيرة على الحال ده، وأحمد كل شوية يطالب بفلوسه لأن دي كل تحويشة عمره ومعهوش فلوس غيرهم أصلا، حتى إن مراته كانت هتولد ومعهوش فلوس الولادة والباش مهندس أحمد، يوم الأربع 1 سبتمبر لمتابعة القراءة اضغط على الرقم التالي في الصفحة التالية 🌹 كلم أبو العز وقال له محتاج فلوس ضروري النهاردة مراتي هتولد الصبح ومعيش فلوس وتعصب عليه ساعتها، وقال له أنا هرفع الوصولات للنيابة، فأبوا العزة قال له خلاص خلاص هقابلك بالليل وأديك 100الف جنيه من الفلوس اللي عليا، وطبع حصل اللي حصل زي ما عرفته في الأول، ودخلوا بالعربية على كبر جامعة المنصورة بعد نص الليل والعربية عطلت، عاوز أقول لك إن العربية أصلا كانت سليمة وما تعطلتش ولا حاجة، ودي حجة اخترعها أبو العز علشان يقفوا في المكان الضلمي دا تحديدا وكمان استغل إن المكان ضلمة. أو مفيهوش كاميرات ولا نور، وفجأة كده وهم بديردشوا مع بعض. أبو العز غف الأحمد وراح جاي يزقه من عالكوبري زقه من فوق الكوبري تحت في نهر النيل في الظلمة الكحل، وللأسف الشديد الباش مهندس أحمد اتوفى وراح للي خلقه. عاوز أقول لك كمان إن محمد أبو العز كان صديقه عمر البشمهندس أحمد. وكانوا أكتر من الإخوات. تخيلوا إن أحمد يقول لمراته ميصحش أسيب صاحبي لوحدة في الحتة؟ ضلمه مقطوعة؟ لمتابعة القراءة اضغط على الرقم التالي في الصفحة التالية 🌹 وصاحبه يغفله ويزقه في الميه ونعمه الصحاب والله هو طبعا محمد أبو العز اتقدم للمحاكمة واللي اتحكم عليه بإنهم يبعتوه على عشماوي على طول، ربنا يرحمة ويصبر أبوة وأمة ومراتة ادعوا لية ياجماعة ونصحتي ياجماعة في الحلقة دي وياريت منثقش ولا ندي كل الثقة في اقرب الصحاب لينا وياريت لو منتعملش في موضوع المديات مع اقرب الصحاب لان هتخسروا بعض أو هتخسر حياتك تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤