وقفت قدامها وقولتلها: ” على فكرة هو كمان بيحبك ”
انتفضت وحاولت تمسح دموعها وقالت: ” بجد؟ ”
بصيتلها بثقة وقولتلها: ” أنا لسه سامعه بيقول إنه لازم يتشريلك أكتر حاجة بتحبيها ويصالحك بيها ”
ووقفت عملت تفسي بفكر وقولتلها: ” تقريبًا بتحبي ال.. ”
لاقيت ضحكتها اترسمت على وشها وقالت: ” بحب الورد ”
وفعدت تلوم نفسها ومن خلال كلامها فهمت إنها مبتخلفش.
فضحكت وقولتلها: ” مش هتروحي تشتريله أكتر حاجة بيحبها قبل ما هو يسبقك؟ ”
وبعدين سيبتها وجريت اشتريت بوكيه ورد وروحتله وقولتله نفس الكلام اللي قولته ليها…
عينه لمعت وبعدين بصلي وقالي: ” هي بتحب الورد ”
طلعت ايدي من ورا ضهري واديته البوكيه، وقولتله ” اعتبر ده هدية مني ”
فضحك وقال: ” هو أنت عندك محل ورد؟ ”
معرفتش أرد عليه فهزيت راسي وسكت، لاقيته بيطبطب على كتفي وبيقولي هات رقمك بقى عشان أبقى أجي اشتري من عندك.
لمتابعة القراءة اضغط على الرقم التالي في الصفحة التالية 🌹
