نحن اربع شباب وكل يوم خميس منخلص شغلنا ومنجتمع ومنسهر انا واخواتي عند بيت اهلي

نحن اربع شباب وكل يوم خميس منخلص شغلنا ومنجتمع ومنسهر انا واخواتي عند بيت اهلي بالبداية كنا نجي نحن ونسواننا وأولادنا الصغار وكانت أمي تعمل غدى للكل ومنقعد ناكل وننبسط ونسهر وبعدين كل واحد بيرجع لبيتو بس بعد ما كبروا الأولاد صرنا نجتمع انا واخواتي الشباب بس وكانت أمي كل خميس تعملنا صينية حلو ونسهر للصبح ونحنا عم نضحك ونمزح ونحكي شو صاير معنا وكانت أمي تقعد وهي ماسكة المسبحة وابتسامتها ماتفارق وجهها 😊 وهي عم تسمع لقصصنا وحكاياتنا ويا إلهي شوكانت تضحك على نكت أخي خالد الحمدلله انا واخواتي متفقين ومنحب بعض والعالم كلها بتحسدنا على هل الشي بزمن الاخوات فيه صايرين متل الاعداء .. لمتابعة القراءة اضغط على الرقم التالي في الصفحة التالية 🌹 حتى بعد وفاة الوالد ماقطعنا ولا خميس عند امي وفي يوم خميس رحت عند امي فاستغربت انو اخواتي مو موجودين فلما سألت امي قالت انو اخي الكبير مرضان وأخي خالد عندو سفرة على الشام و جمال عندو شغل ضروري فأنا اكلت هم شو بدي احكي مع امي لانو هي كلامها قليل و ما بعرف أي موضوع افتحو معها .... فمنشان ما تاخد على خاطرها قلت بقعد معها شوي أنا : كيفك أمي شو أخبارك طمنيني عن صحتك ...؟؟؟ فقالت : اليوم رحت عند الدكتور انا : ليش شبك امي ؟؟ امي : والله يا ابني انا صرلي فترة ماعم نام من وجع المفاصل لمتابعة القراءة اضغط على الرقم التالي في الصفحة التالية 🌹 انا استغربت كتير لانو أول مرة بعرف انو أمي معها وجع مفاصل والغريبة انو كل خميس كنا نجتمع عندها ولا مرة حكيت انو موجوعة 💔 أو بالأحرى يمكن ولامرة سألناها شو عم يوجعها انا : امي ليش ماقلتي انك موجوعة منشان نحن ناخدك على الدكتور امي : انتو جايين تنبسطوا ما بدي ياكم تاكلو همي وهلق إذا عرفوا اخواتك اني موجوعة بيجوز يبطلوا يجو كل خميس و يسهروا منشان ما يضايقوني وبعدين اطلعت فيني و قالتلي : شبك حاسستك مهموم😪 فقلتلها : أحوال المحل داقرة شوي ورغم انو بضاعتي أحسن وأرخص من بضاعة جاري بس المشكلة الناس عم تشتري من عندو وما عم تشتري من عندي فاطلعت فيني وقالتلي: اي صحيح انت كان بدك زيت حلو ليك فيه واحد قرايب جيراننا عم يبيع التنكة ارخص من السوق بكتير اذا بدك لوصيلك على وحدة انا : ليش عم يبيع ارخص من السوق ما يكون من هديك السنة أو مؤكسد .... ؟؟ ببجوز مغشوش لاء مابدي لمتابعة القراءة اضغط على الرقم التالي في الصفحة التالية 🌹 امي : عرفت ليش الناس ماعم تشتري من عندك يا ابني الناس بتخاف من الرخيص👍 أنا قايمة اعملك فنجان قهوة☕ اطلعت فيها وانا مستغرب قديش الي بالسوق وقديش اجتمعت مع أخواتي وعالم كتير بس ما حدا قلي هل الكلام العميق هيك وعطاني الحل لمشكلتي بدقيقتين 😳 المهم امي أخيراً غلتلي القهوة شربتها وانا حاسس انو عم اشرب اغلى ترياق بالعالم لانو صدقا و لا حدا بالعالم بيعرف يساوي فنجان قهوة متل مابتعملو امي مريت الايام ونحن كل خميس منجتمع انا واخواتي الشباب.. نحن منحكي وأمي بس بتسمع وهي ماسكة مسبحتها عم اتسبح مرة لطيفية ومرة تانية الفاتحة وكل مرة بتعملها لواحد مننا على نية الرزق والصحة 🥺 ..... و ابتسامتها مابتفارقها واخر السهرة كانت امي تدخل علينا وهي جايبة صينية القهوة بإيديها يلي عم ترجف يلي كان بالنسبة النا اطيب فنجان بالعالم لمتابعة القراءة اضغط على الرقم التالي في الصفحة التالية 🌹 امي اتوفت بعد فترة بس اتفقت انا واخواتي انو بيت العيلة راح يضل مفتوح وكل خميس لازم نجتمع مع بعض اجا أول خميس بعد وفاتها اجتمعت مع أخواتي بس فجأة ساد الصمت ولاحدا منا فتح تمو بكلمة وكل واحد فتح موبايلو وصار يتفرج عليه وبعد شوي كل واحد راح على بيتو تاني خميس الكل اعتذر عن الاجتماع وكل واحد كان عندو حجية شكل والخميس يلي بعدو ماعاد حدا سأل وبالاخر اتفقنا نبيع البيت اكتشفت انو نحن كنا عم نروح منشان نحكي شو صاير معنا حكاياتنا وهمومنا وفرحنا #لأمي مو منشان نشوف بعض عم نروح لنشوف ابتسامة امي يلي كانت تنسينا كل هموم الدنيا عم نروح لنشوفها وهي ماسكة مسبحتها ونسمع صوتها ونرتاح وهي عم تذكر رب العالمين وتدعيلنا عم نروح منشان نشرب من ايديها احلى واغلى فنجان قهوة بالعالم 😔 تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤