قاعدة بفطر في محل فول وطعمية في إحد المناطق الشعبية

قاعدة بفطر في محل فول وطعمية في إحد المناطق الشعبية صاحبتة ست جدعة جداً جداً وبحبها ع المستوي الشخصى أوي ، والست علشان عارفاني أول مابدخل بتنزلي الطلب بتاعي ، فول بالزيت الحار طعمية جرجير وبتنجان وبيض ولازم طبق البصل المخلل وإزازة الحاجة الساقعة ( صاروخ مش كانز).. وقاعدة بفطر في أمان الله لقيت شابين عمر الواحد منهم حوالي ١٤ سنة داخلين يفطروا ، دخلوا قعدوا وكنت أنا وكذا سيدة في المكان الي بتفطر لوحدها والي مع زوجها والي مع صاحبتها وكل واحدة قاعدة في حالها ، قام أصحابنا دول عملوا ايه ؟! قاموا طلعوا موبايلاتهم وبدأوا في تصوير السيدات الي قاعدة بموبايلاتهم ومع شوية ضحك وهي هي هي وواحد بيقول لصاحبه بالحرف : ( إلحق بياكلوا بصل صور صور ).. فضلت قاعدة في مكاني وعملت كأني مخدتش بالي وقمت نادهة ع الحاجة سيدة وقلتلها بهدوء : ( جوز العيال دول بيصوروا الناس في المحل).. لمتابعة القراءة اضغط على الرقم التالي في الصفحة التالية 🌹 الست هزت راسها علامة إنها فهمت ، وقامت راحت بكل هدوء قالت لعمال المحل قاموا شدوا الجرار بتاع المحل وهي قامت رايحة للعيلين دول وقالتلهم : ( ياتجيبوا الموبايلات بالي صورتوه وتمسحوه ، يا هاخليكم تمسحوا بلاط المحل بهدومكم تحبوا ايه ؟!) العيال من سكات ادوها الموبايلات ومسحت الفيديو الي لقت فيديوهات ثانية مصائب ع موبايلاتهم ، وبعد ما عدي الموقف وقبل ما تخرج العيال من المحل بسألهم انتوا عملتوا كدة ليه ؟! لمتابعة القراءة اضغط على الرقم التالي في الصفحة التالية 🌹 لقتهم جابوني بكل بساطة : ( عادي بننزل الفيديوهات ديه ع التيك توك ونضحك والناس تضحك عادي مش بنعمل حاجة وحشة والله بيها ).. الفكرة الي صدمتني إنهم شايفين إنهم يصوروا الناس بدون إذنهم علشان يهزروا ويضحكوا ديه مش حاجة وحشة ( ده عادي ).. هما فعلاً منطقهم شايف إن ده عادي ، وبقي ده عادي بعد ما بقي عادي إن أي حد شايف أنه من حقه يفتح موبايله ويصور حد بدون إذنه علشان ينشر صورته ع الفيس بوك ويكتب تحتيها تعليق سواء سلبي أو إيجابي .. في رمضان أنتشرت صورة لبنت وصديقتها من صلاة التراويح والبنت بتبكي في حضن صديقتها ومكتوب تحت الصورة ( السند الحقيقي ) لمتابعة القراءة اضغط على الرقم التالي في الصفحة التالية 🌹 البنات لما لقوا صورهم منتشرة ع الفيس بوك رفضوا جداً الي حصل ونددوا لأي حد ينشر ويتبادل صورهم ، ورغم أن التعليق إيجابي ومافيش حاجة تمس البنات لكن أيوة من حقهم إنهم يرفضوا صورهم تتناقل عبر وسائل التواصل الإجتماعي ( هما أحرار )!! ولما حصل ده أتهاجموا هجوم فظيع من رواد السوشيال ميديا ، وإيه الأڤورة ديه وحصل ايه ياعني وعادي مافيش أزمة ده أنتوا أوفر أوي ، وكأن مطالبة الإنسان بإستخدام حقه الشرعي في حمايه حريته وحدوده بقت حاجة عجيبة .. ياعني الواحد يبقي قاعد في بيته بعد كدة يلاقي واحد بيتمشي في طرقة بيتهم ويقوله عادي وفيها ايه !!!! لمتابعة القراءة اضغط على الرقم التالي في الصفحة التالية 🌹 إحنا بالفعل في هرم مقلوب ، أزمة حقيقة من إن ( العادي ) بقي السائد ، لا دين ولا قيم ولا خُلق ولا حتي منطق بقوا موجودين ، إحنا بالفعل محتاجين إعادة تأسيس لكل الثوابت مرة أخري لأنهم ببساطة نجحوا في هدم ثوابت حياتنا وبجدارة و بكدة تم هدم المجتمع وإحتلاله بنجاح .. إحنا في حرب فكرية وعقلية لازم ننتصر فيها وعلشان ننتصر لازم نبدأ بأنفسنا أولاً وبيوتنا وحياتنا .. ابدأوا سريعاً في إعادة ثوابت الحياة للمجتمع ، قبل ما يفوت الأوان ويبقي حتي الصح غريب في هذا الزمان .. تمت المقالة ودمتم في امان الله 😍❤🌹 ( مجلة الحياة ) هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق 😍❤🌹 اذا انتهيت من القراءة صلي على النبي 😍❤