واحدة جوزها اتجوز عليها ولما عرفت الحكاية من بعيد لبعيد عملت نفسها ولا تعرف حاجة

اضحك من قلبك
من باب تغيير المزاج والخروج من جو القفش
شوية ضحك وفرفشة
😂😂😂😂😂😂😂

واحدة جوزها اتجوز عليها ولما عرفت الحكاية من بعيد لبعيد عملت نفسها ولا تعرف حاجة .. وقاعدة مع زوجها عاااااادى واﻷمور على أحسن ما يكون وعايشة حياتها و16 سنة وهي مبسوطة ومرتاحة وحياتها 100 %

مات جوزها وانتهت ايام العزاء
واجتمعوا عندها أهل جوزها عايزين يفتحوا الموضوع ومش عارفين من فين يبدأوا … وهى شايفاهم ومش مهتمة .. وعارفة هم عايزين ايه

قام أبو جوزها قال لها يابنتى فى موضوع عايز أفاتحك فيه بس عايزك تتفهميه وما تحمليش اﻷمور أكثر مما تحتمل.

قالت ما تقولش حاجة يا عمي !!
عارفة ان ابنك كان متجوز عليا.

اﻷب أندهش وقال وانتى صابرة ولا كأنه فيه حاجة.

قالت له مش كده الحكاية .. لو عملت زيطة وزمبليطة كان قسم الليالى بيني وبينها .. وكان قسم المصاريف
وكان كل ما زعلت راح عندها وسابنى وكان.. وكان

لكن عملت نفسي ما أعرفش .. بقى كل الليالي عندي .. وخايف اني أعرف
ومصاريفي على سنجة 10 وعايز رضايا وخايف مني أي لحظة أكشفه
وعاش 16 سنة بعد جوازه وأنا ملكة مدللة وهو خايف مني

عايزة ايه أحسن من كده … ؟؟؟؟
الشيطان قاعد يسمع ويلطم … ويقول ضيعت عمرى أخطط أفرق بينهم على فشوش .. وضرب عياله وقالهم اتعلمو ياولاد الكلب

لمتابعة القراءة اضغط على الرقم التالي في الصفحة التالية 🌹