أهل البلد بيرشحوا عارف إنه يكون إمام المسجد بس ف نفس الوقت كان فيه الشيخ مرزوق
يزيد عن عارف في العلم وحفظه للقرآن والسنه والتفسير الاتنين علماء ازهر بس الشيخ مرزوق كان الأحق بإنه يكون إمام المسجد خلفآ للشيخ عبدالله
وبالفعل الشيخ مرزوق بيمسك أمام المسجد عارف بيملي قلبه الحقد والغل وبتسيطر عليه فكرة الأنا والخلافه
بما إن والدي كان إمام المسجد ف المفروض انا اللي اكون إمام المسجد مش الشيخ مرزوق
حتي الصلاة كان بيتجنب إنه يروح الجامع اللي فيه الشيخ مرزوق وكان بيفضل إنه يصلي في البيت
ولما الناس كانت بتعاتبه كان بيقولهم إنه بيصلي في مسجد بعيد لأن في كل خطوة للمسجد حسنة ف هو حابب إنه ياخد ثواب الصلاة جماعة وحسنات اكتر
بيفكر ازاي يقلب الناس علي الشيخ مرزوق علشان هو اللي يكون إمام المسجد
فضل يفكر هيعمل ايه لحد ما في يوم وهو ماشي بليل في البلد بيلاقي شخص ظهر قدامه من العدم
معاه كتاب شكله غريب عارف لما بيشوف الشخص ده جسمه كله بيتكهرب وشعر راسه بيقف
عارف بيسأل الشخص عن سبب وجوده في المكان المقطوع ده وإنه أول مره يشوفه
بيقول لعارف إن ده كله مش مهم وإن الكتاب اللي معاه فيه حل كل المشاكل وهيخلصه مش بس من الشيخ مرزوق هيخلصه من اي حد يحاول يقف في طريقه
عارف بياخد منه الكتاب وبيمشي بيروح بيته وبيفتح الكتاب علشان يقرأه
يلاقي إن الكتاب اللي معاه هو اشهر كتاب سحر علي وجه الأرض وإنها النسخة الوحيدة الأصلية اللي مختفيه من مئات السنين
غل وحقد الشيخ عارف هيأله إن الكتاب اللي معاه كنز وملاك ظهرله في شكل إنسان واداله الكتاب
لمتابعة القراءة اضغط على الرقم التالي في الصفحة التالية 👇
