فوقت من تفكيري على صوت حماتي وهي بتقول
انتي يامضروبه سرحانه في ايه
انا ببرود.. مفيش
حماتي. طيب قوم ياختي وهزي طولك علشان تعملي لينا الغدا انتي زي القرد اهوا
رديت وقولت حاضر بس ايه الاحصل مش فاكره حاجه خالص 😶😶😶
حماتي طلعت وسابتني في الأوضه وانا حاطه ايدي على بطني واقول حامل طاب ازي حامل
حاولت اقنع نفسي اني فعلا حامل وقومت علشان اعمل الغدا
اول مادخلت المطبخ سمعت حد بينادي عليا بس بصوت مش مسموع سحر باسحر
اتلفت ورايا بسرعه بس مش لقيت حد
وقفت عملت الاكل
لقيت رشاد دخل يقولي هو انا ياسحر مش قولتلك هاتلى السكينه علشان عايزها بره بعمل حاجه
رديته عليه بتعجب قولتلي انا أمته
رشاد.. خبر ايه يابت هو انتي الحمل دا لحس نفوخك ولا ايه
سكت وقولت يمكن مش سمعت
خد السكينه وطلع وانا فضلت واقفه في المطبخ مش فاكره حاجه خالص مش عارفه مالي
ببص حواليا ادور على حاجه امسك بيها غطاء الحله علشان سخن
لقيت حته قماش قديمه
مسكتها وفضلت ابص فيها. ايوه صح دي القماشه الا انا لقيتها عند الحطب ايوه هي
ولقيت زيها في اوضه سماح ضرتي
وفتحت الدولاب لقيته فيه بس مش لحقت اشوفها في حد ضربني على دماغي. ايوه ايوه انا افتكرت كل حاجه
لمتابعة القراءة اضغط على الرقم التالي في الصفحة التالية 👇
