قاسم بعصبية : طبعا وأنت أكيد فرحت بكلامه حنين بغضب : لا طبعا ايه اللى أنت بتقوله ده حسن دا لو حصل ايه مستحيل ارجع له وبعدين أنت المفروض تفرح لو هسيبك ونطلق قاسم : ما قولت لك قبل كده هتفضلى مراتى
حنين بهدوء : قاسم أنت عمرك ما كنت كده علشان تعمل زى حسن أنا متأكده إن الكلام اللى قلته قبل كده كان من غضبك وعصبيتك بس ومقدرة موقفك قاسم بحزن وخزى من كلامه : أنا آسف فعلا يا حنين على الكلام اللى قولته ليكى بس دا كان نتيجة غضبى من اللى عملته ندى وعصبيتى طلعت عليك أنت….أنا عارف إنك ملكيش ذنب فى اللى حصل ودا كله بسبب أخويا حنين : أكيد يا قاسم ومقدره موقفك وبشكرك على كل اللى عملته معايا …..كفايه إنك اتحملت نتيجة أخطاء حسن….. علشان كده المفروض ننهى الموضوع السخيف دا وكفايه كده قاسم : قصدك ايه يا حنين
حنين بهدوء : قصدى نطلق يا قاسم كفاية أووى كده…..أنا وأنت مش هنقدر نكمل مع بعض فأرجوك طلقنى قاسم : حنين أنت
قاسم : حنين أنتِ فاهمة معنى كلامك دا…… عارفه يعنى ايه ترجعى بيت أهلك مطلقة ولسه مكملتيش أسبوعين حتى متجوزة…..اومال عملنا دا كله ليه واتجوزنا مش علشان مفيش شخص واحد يقول عليك كلمة
حنين بحزن : تعبت يا قاسم…..كل واحد محملنى ذنب اللى حصل…..أنا ذنبى ايه…..كل واحد فيكوا هيرجع لحياته طبيعى أنا بس اللى حياتى اتدمرت
قاسم بهدوء : غلط يا حنين تفكيرك دا كدا سلبية منك……خليك دايما قوية واعرفى إن أى ابتلاء بيحصل لينا بالعكس بيكون خير لينا…..
ليكمل بتنهيدة وحزن وهو يأخذ يدها ويجلسوا على الكنبة فى الصالة قائلا : تعرفى يا حنين لولا اللى حصل دا كله كنا هنفضل مخدوعين فى أشخاص اللى بنحبهم وهنرتبط بيهم
حنين : ازاى
قاسم : حسن هو أخويا آه بس ميستهلكيش يا حنين…..أخويا شخص مستهتر ميقدرش يتحمل مسؤولية …أما أنا بالنسبة لندى كنت بالنسبالها مش أكتر من واحد كويس حالته المادية إلى حد ما كويسة ولما لاقت الأفضل منى هتتجوزه يعنى واحده زيها مش كانت تستاهل أربط اسمى بها وتبقى مسؤولة عن بيتى وأولادى وتربيهم صح
لمتابعة القراءة اضغط على الرقم التالي في الصفحة التالية 👇
