سافري يا ريم وكتر الف خيرك في وقفتك جنبي طول الفترة اللي فاتت.. متقلقيش عليا
ريم.. طيب انا هكلمك كل يوم.. خلي بالك من نفسك
شيماء.. وانتي كمان خلي بالك من نفسك
ثم تحضنها بكل حب
ريم بدموع.. اشوف وشك بخير
شيماء.. مع السلامة يا ريم
وتنصرف ريم ويبدوا عليها الاسي والحزن الشديد وبعد دقيقة بالضبط يرن المحمول علي شيماء من شخص مجهول
شيماء.. الو
المجهول بسخرية.. ايه ودعتك الحية خلاص ؟!!
شيماء.. مين بيتكلم ؟!!
المجهول.. مش مهم تعرفي انا مين.. لكن اللي عايزك تعرفيه ان الحية اللي كانت معاكي من دقيقة دي دليل برائتك جوة بطنها
شيماء.. انت بتتكلم عن مين ودليل برأتي ايه اللي جوة بطنها ؟!
المجهول.. بتكلم عن صحبتك ريم قصدي اللي عاملة فيها صحبتك.. وهي في الاصل افعي سامه ملفوفه حوالين رقبتك وعاوزة تخنقك ودليل برأتك اللي انتي بتدوري عليه معاها وجواها يا بنت البنوت
شيماء.. انا مش فاهمه حاجة !! انت مين يا جدع انت ؟!
المجهول.. انا اللي يقدر يدلك علي الحقيقة اللي انتي بتدوري عليها بس للأسف ماليش في الخير وكل حاجة عندي وليها تمن واللي انتي بتدوري عليه يساوي ربع مليون جنيه جهزيهم ورني عليا بس ياريت بسرعة قبل ما تسافر ريم صحبتك ويسافر معاها دليل برأتك للأبد.. سلام
ثم يغلق ورد فعل علي وجه شيماء
لمتابعة القراءة اضغط على الرقم التالي في الصفحة التالية 👇
