أول جوازي كانت حالة جوزي المادية صعبة اوي.كان عليه ديون كتير بسبب الجواز والعفش

أول جوازي كانت حالة جوزي المادية صعبة اوي.كان عليه ديون كتير بسبب الجواز والعفش وقسط الشقة وخصوصاً انه من النوع اللي بيحب الفشخرة و المنظرة ادام الناس حتى وهو مفلس. فات أول شهر على جوازنا وعرفت إني حامل كنت فرحانة جداً وكنت متخيلة أنه هو كمان هيفرح زيي لما يعرف إني حامل لكن للأسف ماحستش انه فرحان بالعكس بقيت حاسة أنه على طول متضايق ومهموم بصراحة هو ماكنش بيحاول يبين قدامي انه زعلان لكن أنا كنت حاسة بيه وزعلانة ان مفيش في ايدي حاجة اعملها أو اساعده بيها. لغاية ما وصلت للشهر الرابع وروحنا سوا للدكتور في الوحدة الصحية وأول ما كشف عليا ابتسم وبص لجوزي وقاله: _ يتربوا في عزك ان شاء الله = هما مين دول يا دكتور _ مبروك… مراتك حامل في توأم نزل الخبر على جوزي زي الصاعقة، مانطقش بعدها بولا كلمة. بعكسي انا كنت فرحانة جدا وكنت حاسة ان ربنا هيعدلها وهيفرجها علينا لمتابعة القراءة اضغط على الرقم التالي في الصفحة التالية 👇 تقريبا الدكتور حس بصدمة جوزي فنده عليه وأحنا طالعين من الباب واخده على جنب وقاله دة الكارت بتاعي ياريت تكلمني على الرقم دة عشان بعد كدة المدام تيجي تتابع الحمل عندي في عيادتي الخاصة وأنا هفهمك على كل حاجة في التليفون عدت شهور الحمل ببطئ وتعب… وولدت بعدها في عيادة الدكتور زي ما اتفق مع جوزي بس اتفاجئت بيه بيقولي بعد ما فوقت من البنج ان البنت بس هي اللي عايشة والولد لا… سلمت أمري لربنا ورضيت بقضاءه رغم حزني وقهرتي على الولد… بس بعدها سبحان الله حياتنا اتغيرت تماما والفلوس جريت في ايد جوزي واشترى شقة تمليك كبيرة نقلنا فيها دة غير الدهب اللي جابهولي و الهدايا الكتير كنت فرحانة اوي بالمستوى إللي بقينا عايشين فيه وإللي فرحني اكتر لما لقيت جوزي بيطلب مني ان احنا نخلف تاني بس طلب مني اني لازم اروح للدكتور الاول عشان يديني مقويات ومنشطات عشان يحصل حمل بسرعة وعشان نفسه كمان اكون حامل في توأم زي المرة اللي فاتت. لمتابعة القراءة اضغط على الرقم التالي في الصفحة التالية 👇 الحمل المرة دي كان مختلف… جوزي كان مهتم بيا جدا غير الحمل إللي فات، بيتابع ادويتي بالساعة والدقيقة، والدكتور بنروحله كل شهر بانتظام، والفرحة كمان باينة في عينيه طول الوقت. بس الغريب لما عملت سونار أول مرة وطلعت فعلاً حامل في توأم أن الدكتور وجوزي حضنوا بعض من كتر الفرحة… الدكتور كان فرحان زي جوزي ويمكن اكتر كمان!! استغربت ساعتها رد فعله اوي بس بعد كدة نسيت الموضوع وسهيت في بنتي الصغيرة وفي تعب الحمل لغاية مافي يوم كنت قاعدة اتفرج على التلفزيون وشوفت بالصدفة مسلسل قديم عن قصة واحدة جوزها بيبع عيالهم ويفهمها انهم ماتوا وبيقبض هو التمن من غير ماهي تعرف… لمتابعة القراءة اضغط على الرقم التالي في الصفحة التالية 👇 غيرت القناة وقفلت التلفزيون بس أحداث المسلسل فضلت مسيطرة على تفكيري وبدات اربط الاحداث ببعض، غنى جوزي المفاجئ بعد الولادة واهتمامه اني احمل تاني بتوأم وفرحة الدكتور الغريبة كل الاحداث دي بقت تدور في دماغي واللي أكدلي اكتر انه امبارح بيقولي بعد ماتولدي عاوز اشتري عربية احدث موديل ..طب ايه اللي خلاه متأكد انه هيجيله فلوس كتير يشتري بيها عربية بعد ما أولد. انا تقريبا كدة اتأكدت بعد ماجمعت الأحداث كلها مع بعض ان الأفكار اللي في دماغي كلها مظبوطة بس اتصرف ازاي واعمل ايه يوم الولادة وانا ماليش اهل يقفوا معايا ويخلوا بالهم عليا وعلى ولادي حاولت اهدا واروق نفسي عشان خاطر اللي في بطني وفي نفس الوقت اقدر افكر بهدوء هعمل ايه واتصرف ازاي وفعلا على اخر اليوم جاتلي فكرة عبقرية هبدأ في تنفيذها من بكرة. لمتابعة القراءة اضغط على الرقم التالي في الصفحة التالية 👇 قصة التوأم الجزء الثاني كان أهم حاجة بالنسبة لي قبل ما ابدأ في اي خطة إني أأمن مستقبلي ومستقبل ولادي عشان كدة ماحاولتش أبين له إني شاكة في اي حاجة بالعكس بقيت اتدلع عليه زيادة واعشمه بكتر الخلفة والعيال عشان يوافق يكتب لي الشقة بأسمي وخلال الفترة دي اكون دورت على حد يساعدني في المرحلة الجاية. فات اقل من أسبوع ولقيته جايبلي عقد الشقة بأسمي بيع وشرا ومتسجل في الشهر العقاري، هو بصراحة دايما بيحاول يرضيني بأي طريقة أو زي مابيقولوا كدة بيتمنى لي الرضا ارضي، بس اعمل أيه في الشك اللي هيموتني،، لا هو مش شك هو بقى يقين بعد ماعملت سيرش على أسم الدكتور وعرفت أنه بيعمل عمليات مشبهوهة زي الاجهاض والترقيع في عيادته الخاصة. لمتابعة القراءة اضغط على الرقم التالي في الصفحة التالية 👇 في الفترة دي مالقتش غير أم شهد مرات البواب هي اللي تقدر تساعدني في الخطة بتاعتي، اول حاجة خليتها تشتريلي نوع عشب معين جيبت أسمه من على النت بيسبب خلل في الخلايا العصبية للجسم وبقيت احطهوله في الأكل بالتدريج وكل يوم ازود شوية لغاية مافي يوم صحى الصبح مش قادر يتحرك واعصاب رجليه سايبة و كل ما يحاول يقف يقع تاني. طبعا عملت نفسي مخضوضة ونزلت جري أكني هدور على دكتور، ونديت على أم شهد بسرعة من بير السلم تبعت قريبها إللي اتفقنا معاه انه يمثل دور الدكتور ويفهمه ان مرضه ميئوس منه ومفيش غير طريقة “واحدة” للعلاج!! لمتابعة القراءة اضغط على الرقم التالي في الصفحة التالية 👇 في اقل من ساعة كان الدكتور المزيف وصل البيت عندي وبدأ الكشف عليه = خير يا استاذ بتشتكي من ايه؟ – مش حاسس برجلي خالص ومفاصلي سايبة ومش قادر اتحكم في نصي التحتاني خالص = والأعراض دي ظهرت عندك من امتى – من كام يوم بس النهاردة زادت اوي = بص يا أستاذ، الأعراض إللي أنت بتقول عليها دي أعراض لمرض خطير بس دة مش هيبان في الكشف لازم تحليل دم عشان نعرف عندك ايه بالظبط، انا هاخد منك عينة دم دلوقت وابعتها لمعمل التحاليل اللي تبعي وهطمنك إن شاء الله بالتليفون… السلام عليكم. لمتابعة القراءة اضغط على الرقم التالي في الصفحة التالية 👇 فضلت أزودله الجرعة وحالته بقت تسوء اكتر عشان اضمن لما الدكتور يكلمه مايبقاش عنده إي بديل تاني، وفي نفس الوقت مايبقاش مركز في الكلام الملخبط والغير العلمي إللي الدكتور بيقوله. وأول ماحسيت أن حالته النفسية اتدمرت على الأخر رنيت على الدكتور عشان يتصل بيه ويكمل الخطة = السلام عليكم يا استاذ، انا الدكتور عماد – وعليكم السلام يا دكتور، طمني والنبي التحليل طلع فيه ايه = للاسف كان نفسي اطمنك بس الوضع صعب اوي المرض اللي عندك ملهوش علاج … لمتابعة القراءة اضغط على الرقم التالي في الصفحة التالية 👇 يعني ايه يا دكتور هفضل طول عمري كدة، انا مابقتش اتحكم في اي حاجة في جسمي لازم يكون في حل ماقدرش اعيش كدة = هو في امل واحد بس – هو ايه يا دكتور قولي ارجوك = الأمل الوحيد ان يكون عندك أبن ويكون ولد من صلبك هناخد منه اقل من سم من النخاع الشوكي ونزرعه عندك وساعتها هترجع لحالتك الطبيعية تاني ولا أكن كان عندك اي حاجة – أيوة أنا عندي أبن يا دكتور، أنا ابني عايش وموجود قولي الله يخليك اقدر اعمل العملية امتى وازاي ارجوك بسرعة **كنت المفروض ساعتها التزم بالخطة وافضل ساكتة لغاية ما اعرف طريق أبني فين وباعه لمين وساعتها أبلغ عنه هو والدكتور وادخلهم السجن زي ما اتفقت مع العميد هشام جاري اللي ساكن في الدور الرابع بعد ما حكيتله القصة كلها ووريتله صفحة الدكتور المشبوه والعمليات اللي بيعملها لمتابعة القراءة اضغط على الرقم التالي في الصفحة التالية 👇 لكن بصراحة مقدرتش استحمل لما سمعته بيقول ايوة انا عندي ابن وعايش وانهرت على الاخر وفضلت أقوله أبني فين أبني فين وبقيت اضرب فيه لغاية ما أغمى عليا وماحستش بنفسي غير وهما بيفوقوني في المستشفى. بدأت افتح عيني واحدة واحدة بصعوبة، واول حاجة شوفتها ولادي التؤام ولدين زي القمر نايمين في السرير اللي جنبي والناحية التانية أم شهد شايلة بنتي الكبيرة اللي اول ما شافتني بفتح عينية قربت مني وخبطت على ايدي بما معنى اطمني يا ماما كله تمام، وبدات ام شهد تحكيلي على اللي حصل من اول ماسمعت صوت عربية الاسعاف تحت البيت وشافت الدكتور المشبوه بيركبني الاسعاف ومعاه اتنين ممرضين وانا غايبة عن الوعي فجريت على العميد هشام بسرعة عشان يلحق يتصرف. لمتابعة القراءة اضغط على الرقم التالي في الصفحة التالية 👇 وإللي ماكنتش اعرفه إن من ساعة ما حكيت للظابط جاري على الدكتور وهو حطه تحت المراقبة ومستني فرصة عشان يقبض عليه متلبس ودي كانت احسن فرصة بالنسبة له للقبض عليه وطبعا اول ما اتقبض عليه اعترف على جوزي في ساعتها انه شريك معاه، بس للاسف جوزي اترحل على مصحة للأمراض النفسية والعصبية لأن الاعشاب اللي كنت بديهاله طلعت نوع خطير من المخدرات اثرت على عقله جامد زي ما أثرت على باقي جسمه، وطبعا مقدرش يتكلم ولا يقول على مكان أبني فين. لكن ماكانش صعب عليا بعد كدة إني اعرف مكان أبني واوصله سواء عن طريق شركة الاتصالات أوالمكالمات والرسايل اللي على موبايله. لمتابعة القراءة اضغط على الرقم التالي في الصفحة التالية 👇 لكن إللي كان صعب فعلا ازاي اقدر اخد طفل ماكملش 3 سنين من احضان امه حتى لو مش هي اللي خلفته، بس هو مايعرفش أم غيرها وأنا بالنسبة له كنت الست الغريبة الشريرة وقفت قدام معضلة الأم هي اللي ربت وتعبت ولا إللي حملت وولدت عشان كدة سيبته يعيش معاهم فترة وخصوصا انهم كانوا بيحبوه حب رهيب وكنت بزوره من فترة لتانية عشان يتعود عليا واقدر بعد كدة اخده يعيش معايا تمت. انتهت القصة ودمتم بخير وسلامه 😍 اذا انتهيت من القراءة صلي على النبي 😍❤