“أنا استفزيت القرين بتاعي”
دي الحقيقة اللي عرفتها بعد رحلة خوضتها بكل كياني في قلب الجحيم، جحيم القرين اللي عرف يلاقي وسيلة عشان يتمكن مني، وما أدراك ما القرين ؟؟
والاسوأ اني عرفت ان القرين ياما اتمكن من ناس، وياما حاول يدمر حياة ناس، وانا بقا كنت السبب الرئيسي في اللي انا عايشة فيه ده، وصدقني لو قولتلك انا حاليا مجرد جثة على قيد الحياة..
انا الست اللي اتخلق الدلع عشانها، واللي اتقال إن الانوثة اتعملت ليا انا وبس، واحدة ست زي الكتاب ما بيقول، ومن كتر المدح اللي سمعته على مدار عشرين سنة من عمري وقعت في العشق..
عشق الكائن اللي اسمه المراية، لأنها البوابة الوحيدة اللي بتوريني إبداع الخالق، وكلمة عشق تعتبر كلمة بسيطة لوصف شعوري تجاه المراية، لدرجة اني كنت بقف قدامها يوميا مش أقل من أربع ساعات اتأمل نفسي..
حتى لما اتجوزت، كان أول طلب ليا مراية الحمام تبقا بحجم الحيطة كلها، وكان جوزي زي الخاتم في صباعي، مين اللي تبقا في ايده ست زيي ويفكر بس يرفضلها طلب..
لمتابعة القراءة اضغط على الرقم التالي في الصفحة التالية 👇
